實物投影機

實物投影機

名為 "Video Lupe" 嘅實物投影機原型，由 Wolf Audio Visuals 喺1974年開發製造

Video Loop AV installation，實物投影機嘅另一款原型，大約喺1975年由Wolf Audio Visuals開發

ELMO首部實物投影機 - Visualiser EV-308

一間設有遠程呈現系統嘅房，並喺天花板安裝一部實物投影機

實物投影機（英文：Document Camera）係一種實時影像捕捉設備，能夠將實物嘅影像即時捕捉並投影到螢幕或投影幕上，可以透過 USB、HDMI 等接口連接其他設備。喺教學、會議、演講或其他需要展示實物嘅環境中經常會用到。由於實物投影機非常方便，已經取代舊時需要先曬成膠片嘅高影機。

歷史

實物投影機嘅發展始於20世紀中期，最初嘅版本主要係使用光學技術嚟投影透明片。隨住數碼技術嘅進步，現代嘅實物投影機開始整合攝像頭同數碼處理能力，能夠以更高嘅解析度同更多功能啤嚟展示物品。

使用環境

• 教育或培訓：教師可以用嚟代替寫黑板、展示教材、學生作品、實驗過程等。
• 會議：展示報告、產品樣本、文件等。
• 演講：演講者可以展示演講內容或視覺輔助材料，提升演講嘅效果。
• 法庭：展示證據戓證物。

優缺點

優點

• 實時展示：能夠即時捕捉同投影物體嘅影像，適合用喺教學同演示，能夠提高互動性同參與感。
• 高解析度：具備高解析度，能夠好清楚顯示細節，適合展示文本、圖片、立體物品。
• 靈活性：可以展示各種物體，無論係平面文件定係立體物品，使用者可以根據需要自由調整物體嘅位置同角度。
• 多功能性：多數實物投影機都具有錄影同拍照功能，能夠記錄教學或演示過程，方便日後重睇同分享。

缺點

• 成本：高品質嘅實物投影機價格可能較高。
• 技術依賴：需依賴電力同其他技術設備，可能會喺技術故障時影響使用。