寶威控股

寶威控股有限公司（英文：Burwill Holdings Limited，港交所：0024），簡稱寶威控股，係一間做鋼鐵貿易生意、物業租賃同發展、鐵礦開採嘅控股公司。

集團喺百慕達註冊，而主席兼董事總經理兼執行董事係陳城。

呢個集團喺1949年喺香港成立，主要係做鋼鐵生意，喺1989年正式喺香港聯交所上市，1990年再喺新加坡交易所上市。

事件

1993年集團收購咗中國謙華鋼鐵廠同埋成立謙華五金廠，做鋼管生產業務同加工業務；到1998年集團賣咗畀而家嘅主席陳城先生。

1998年起，集團不斷喺世界唔同地方開鋼鐵貿易嘅代表處，包括中國北京、俄羅斯莫斯科、瑞士盧格、印度邦加羅爾、意大利米蘭、土耳其伊斯坦堡等地。

1999年，成立金屬電子交易所集團有限公司（英文：WorldMetal），創辦金屬電子交易平臺，2001年喺香港聯交所創業板分拆上市，（港交所：8161），其後喺2005年改名做華彩控股有限公司，同埋轉型到主要做中國公益彩票業。

1999年，集團開中國商場業務，喺中國江蘇省揚州市起揚州時代廣場。

2009年，該公司宣布用總代價5億元，收購山東磁鐵礦51%權益。收購目標主要係從事鐵礦石開採、加工同銷售，擁有一個喺山東萊陽嘅儲量7.6億噸磁鐵礦，同埋有採礦權同4個勘探權。

2010年9月9號，公司喺新加坡交易所除牌^[1]。

2015年5月5日，公司用2000萬澳元，認購喺澳洲上市嘅哈薩克鉀肥（Kazakhstan Potash Corporation Limited）19.97%股權，認購價係0.2澳元^[2]。