寺區

出自維基百科,自由嘅百科全書
Jump to navigation Jump to search

寺區粵拼zi6 keoi1),戰國時期越國重臣,官拜大夫,輔佐過越王錯枝無餘等。

寺區喺越國做官嗰陣,越國已經開始衰落。越王朱勾政變,謀殺咗佢阿爺越王不壽,奪取王位,就噉種低之後越國内亂嘅禍根。朱勾死後,佢個仔翳繼位。越國國力一路衰敗,越王翳唯有將都城由琅琊遷返江南嘅吳(今蘇州)。喺越王翳晚年,越國國勢進一步惡化,卒之俾自己個仔諸咎殺咗,發動政變。不過政變第二年就俾大夫寺區平定,諸咎被除。越國立錯枝做越王。但錯枝因為越國内亂,之前三個國君越王不壽、翳、諸咎連續被殺,佢驚,走咗去丹地一個山洞度匿埋。寺區就用煙熏,逼佢出來,推舉佢做越王,但錯枝一直努力推避王位。第二年,卿大夫寺區又立無餘做越王。

寺區有一個兄弟,但姓名已無從稽考。無餘十二年(公元前364年),寺區個兄弟殺咗越王無餘,俾無顓成為越王。