將進酒

出自維基百科,自由嘅百科全書
跳去: 定向搵嘢

將進酒大唐詩人李白寫嘅,類入七言樂府

背景[編輯]

寫呢首詩嘅時候,李白仕途失意,轉投酒樂,借詩意言志,唔想做聖賢,只想交朋結友,一醉解千愁。

首詩[編輯]

君不見黃河之水天上來,奔流到海不復回!

君不見高堂明鏡悲白髮,朝如青絲暮成雪!


人生得意須盡歡,莫使金樽空對月。

天生我材必有用,千金散盡還復來。

烹羊宰牛且為樂,會須一飲三百杯。


岑夫子,丹丘生,將進酒,君莫停。

與君歌一曲,請君為我傾耳聽。

鐘鼓饌玉不足貴,但願長醉不復醒。


古來聖賢皆寂寞,惟有飲者留其名。

陳王昔時宴平樂,斗酒十千恣讙謔。


主人何為言少錢,徑須沽取對君酌。

五花馬,千金裘,

呼兒將出換美酒,與爾同銷萬古愁。

意譯[編輯]

睇唔睇到呀?
黃河嘅水好似係天上邊倒落嚟,一野衝咗落海返唔到轉頭!
睇唔睇到呀?
父母官為國家及百姓而憂,朝早重黑鼆鼆[1]嘅頭髮挨晚就變咗白雪雪。
人生在世點都要玩盡佢,千其唔好畀個酒樽白白咁對住個月光。
上天畀我嘅才華一定有用,就算啲錢散晒都會返番嚟。
煮羊殺牛嚟食令大家開心盡興,見到面就應該一口氣飲佢幾百杯[2]
岑夫子,丹丘生,拎酒飲,唔好停。
等我為你哋唱首歌,請你哋豎起隻耳聽我唱。
貴族豪門嘅生活唔駛諗,淨係想爛醉唔想醒番。
自古以嚟聖賢都冇人理,飲酒飲到爆嘅人先出名。
陳王曹植想當年喺平樂大排宴席,用個斗𢳂酒十吓千吓放恣咁玩。
阿兄台你點解話冇錢呀,直接了當拎啲酒嚟我同你飲咗佢。
你隻五花靚馬,同值千金嘅皮草呢?
叫你個仔拎去賣咗佢,買啲靚酒返黎,等我同你解咗個萬古嘅愁佢啦!

評論[編輯]

宋人嚴羽評咁講:「蓋他人作詩用筆想!太白但用胸口一噴即是。」[3]

[編輯]

  1. 「黑鼆鼆」音hak7mang⁴mang⁴
  2. 註:古時後啲人以「三」嚟表示好多嘅意思,所謂「無三不成幾」。
  3. 論李白飲酒詩的文化意蘊