小冰期

一六七七年。泰晤士河結冰。

一六五八年。瑞典軍冰面操過海峽，擊敗丹麥。

小冰期，地球氣候寒期，天氣都凍咗，約莫十四世紀中葉同十九世紀中葉。概念參考冰河時期，一九三九年用來解釋加州冰川，後亦引伸解釋北大西洋，以及全球。咁當然，同真正冰河時期無得比，唔能混浠。

嗰陣太陽無咁活躍，黑子少，到地球輻射大減。而且又多火山爆發，大氣多火山灰、硫酸粒子，以致地面日光大減。兩者都導致地球日照減少，從而地球變凍。

當時出咗好多問題，例如農作物失收，引致饑荒。而冬季海面結冰，漁業亦失收。有啲地方，饑荒甚致引致人口大減。政治唔穏定，多動亂，動搖政權。寒冷饑荒亦招致大明滅亡。

除咗太陽黑子少，同埋火山爆發多，亦有其他人提出其他解釋，例如海洋環流變，阻斷暖水散佈就會凍。又例如先前戰爭疾病，死人太多，無人耕田就多樹，二氧化碳減少，咁就會凍。重有人提出地軸變化，地球軌道變化咁。