小米科技（粵拼：siu2 mai5 fo1 gei6） ，全名北京小米科技有限責任公司，係中國北京一間科技產品開發公司，靠賣智能電話起家，跟住發展出唔同種類嘅智能家庭電器。創辦人、董事長兼行政總裁係雷軍（中文：雷军）。2018年7月9號，佢嘅母公司小米集團（Xiaomi Corporation，香港交易所：01810）喺香港交易所上市，係自1989年12月香港聯合交易所修例唔再考慮B股（英文：Class B share）上市以來，頭一隻以「同股不同權」（WVR）形式上市嘅新股。
