山階宮晃親王

出自維基百科,自由嘅百科全書
跳去導覽 跳去搵嘢
山階宮晃親王
幕末嗰時嘅晃親王

山階宮晃親王(日文:やましなのみや あきらしんのう,1816年10月22號1898年2月17號)係山階宮第一代當主,邦家親王大仔,乳名靜宮,曾經做過議定同埋外國事務總督(即外務大臣)。

佢一生人冇娶過正室,淨係得個妾侍中條千枝子。

經歷[編輯]

晃親王1816年響京都出世,係邦家親王大仔,乳名靜宮,之後命名叫清保。因為老豆邦家生佢嗰陣只有十五歲,所以阿爺貞敬親王響族譜上做咗手腳,令到響族譜上晃親王變成貞敬親王第八個仔。

1817年,佢成為光格天皇契仔,同年畀人預備佢大啲就入勸修寺和尚。1823年佢親王宣下,第二年出家,改名叫濟範入道親王。1841年10月,姨媽(族譜上嘅細妹)隆子女王離家出走,去到大概明石姬路之間嗰陣,頂唔順,又走返嚟京都。呢件事令到仁孝天皇好嬲,而係伏見宮成員之一嘅晃親王都無法避免。1842年,佢升格為光格天皇養仔,同埋升為二品,但就取消佢勸修寺和尚嘅身份,改為去東寺,守東寺個門口。不過響1858年,佢又返翻去勸修寺。

1863年,島津久光松平容保同埋德川慶喜組成「公武合體派」,晃親王對於政治又好有興趣,所以趁住呢個時勢,要求孝明天皇畀佢返嚟皇室。由於史無前例,所以朝廷嗰邊十分反對,而孝明天皇都唔鍾意一啲畀老豆罰過嘅人,但係「公武合體派」就好支持,幕府嗰邊仲唔理天皇反對全力支持晃親王,所以晃親王得以響1864年返嚟皇室,尊稱勸修寺宮濟範親王,同月17號獲封宮號山階宮,係史上第一人做完和尚又返嚟皇室嘅人,後嚟佢改名叫。同月27號,佢改為認孝明天皇做契爺,同日就任國事御用掛。

之後晃親王聯同島津久光對付一會桑政權,響1866年大原重德強硬地將偏幫幕府嘅人拷問,所以國事御用掛畀人罷免,但就保留辦事處。1867年,就連個辦事處都畀人拆埋。

明治維新之後,佢就任外國事務總督兼議定,同年2月外國事務總督改名叫外國事務局督,之後佢一直負責處理政府嘅外交事務。直至同年3月尾爆發堺事件,之後晃親王為咗謝罪而唔做外國事務局督。

1886年,佢獲勳為大勲位菊花大綬章,之後一直安享晚年。1898年2月17號,晃親王過身,終年83歲。之後由獨仔菊麿王繼承山階宮當主一位。

由於佢原先係和尚,之後先返嚟皇室,所以葬禮依照咩嘢形式成為一個問題:究竟跟佛教儀式定跟皇室儀式呢?後嚟天皇為免混亂,於是就唔畀晃親王依照皇室儀式去落葬,所以佢只好跟佛教儀式去做。2月25號佢正式落葬響泉涌寺雲龍院。

屋企[編輯]

老豆邦家親王 - 阿媽藤木壽子

兄弟:老大晃親王(佢自己) - 長細佬嘉言親王 - 二細佬讓仁親王 - 三細佬朝彥親王 - 四細佬夭折 - 五細佬貞教親王 - 六細佬夭折 - 七細佬彰仁親王 - 八細佬能久親王 - 九細佬夭折 - 十細佬夭折 - 十一細佬博經親王 - 十二細佬智成親王 - 十三細佬貞愛親王 - 十四細佬清棲家教 - 十五細佬載仁親王 - 十六細佬依仁親王

配偶:妾侍中條千枝子

  • 契仔:定麿王(細佬兼契仔,即後嚟嘅依仁親王)
  • 獨仔:菊麿王
上一任
(新起)
山階宮當主
1863年至1898年
下一任
山階宮菊麿王