百合子

出自維基百科,自由嘅百科全書
(由崇仁親王妃百合子跳轉過嚟)
  有關其他用法,請睇「百合子 (搞清楚)」。
妃百合子

崇仁親王妃 百合子(日文:たかひとしんのうひ ゆりこ 、1923年6月4號—)係三笠宮崇仁親王老婆,原名高木百合子(日文:たかぎ ゆりこ ),公家華族出身,三笠宮現任當主。

佢係日本皇室成員入面年紀最大個位(大過上皇明仁十歲左右),亦係唯一一個響大正年代出世嘅現任日本皇室成員。

家族[編輯]

佢出身於華族高木子爵家,而祖先曾經服務過織田信長豐臣秀吉德川家康等等,重係江戶時代河內國丹南藩一萬石嘅大名。佢婆婆入江信子係大正天皇阿媽柳原愛子個姪女,而入江家族就係藤原北家族同埋冷泉家族嘅分支,可以睇得出百合子嘅血統係幾咁高貴。

佢阿媽係入江為守個女高木邦子,而老豆高木正得係個昆蟲學家,但係二戰後因為華族制度畀人廢除咗而導致佢失去嗮所有嘢(因為佢唔單止冇咗地位,重要響戰爭入面冇嗮佢珍貴嘅書同埋標本等等)。響1948年7月8號,佢留低咗份遺書,之後就唔見咗。11月1號響東京都山梨縣交界嘅西多摩郡氷川町(即依家嘅奧多摩町七石山日文七ツ石山上面搵到佢條屍。

屋企[編輯]

老公:三笠宮崇仁親王