崔錦棠

出自維基百科,自由嘅百科全書
Jump to navigation Jump to search

崔錦棠Tony Chui1969年6月10號—),人稱棠哥,係香港三項鐵人代表隊前成員同教練,喺1996年退役,香港有線電視前足球評述員(講波佬),2013年9月加入無綫網絡電視TVB體育台做體育節目主持[1]。2015年轉做無綫電視基本藝人合約藝員,參與電視劇演出,初初多數扮演公職人員同有正氣嘅角色,而喺《愛回家之開心速遞》就扮蠱惑縮骨嘅行政人員Andy。

崔錦棠喺香港有線電視嗰時,係做香港有線電視足球台香港有線電視體育台嘅旁述同主持足球節目。主力講西甲賽事,夥拍龍華琛鍾國雄主持體育節目《體育王》,佢亦曾經評述過FIFA世界盃歐洲國家盃。佢亦主持過亞洲運動會冬季奧林匹克運動會等大型體育賽事。2014年做無綫巴西世界盃低俗講波團嘅足球旁述。

荔景天主教中學畢業之後,曾經喺電影工作室做過幕後工作,亦曾經客串電影中日東北和,之後為咗代表香港出賽,就轉咗去國泰航空公司做嘢,為咗方便用平價錢去買機票。直至到1992年就做咗香港三項鐵人總會體育幹事,同兼做埋青年軍教練。

運動員歷程[編輯]

崔錦棠同哥哥崔錦雄喺葵涌區大,兄弟喺祖堯天主教小學讀過書。1982年,佢讀緊中四嘅時侯,曾經因為荔景天主教中學嘅高中冇理科學位而要去迦密愛禮信中學讀咗三個星期,但之後就喺原校荔景天主教中學完成文科班會考課程(1983年)。崔錦棠讀中學時嘅成績麻麻,但喺體育方面表現就比較叻。例如曾經喺學校水運會攞到男子丙組50米背泳冠軍。佢之後喺廣州體育學院香港大學專業進修學院讀體育管理。而佢嘅運動員生涯喺1996年結束。

足球[編輯]

86-87球季加入「愉園」青年軍

田徑[編輯]

86年開始同時加入南華田徑隊(後來因入咗屈臣氏集團做嘢,轉咗入屈臣氏田徑會),主項三千米障礙賽,最佳成績10分10秒;1500米4分18秒;800米2分4秒

三項鐵人[編輯]

1988年第一次參加全港青少年三項鐵人錦標賽,即攞到亞軍,隨即被揀咗入香港青年隊,1989年開始代表香港出賽,先後三次出戰「世界錦標賽」。亞洲賽事方面,1992-96年期間,連續五年代表香港出戰「亞洲錦標賽」,最好成績係隊際賽銀牌,個人最高亞洲排名係第七,亦曾經喺多個亞洲地區比賽打入三甲。

參考[編輯]

  1. 崔錦棠tvb.com嘅資料

出面網頁[編輯]