西康

出自維基百科,自由嘅百科全書
(由川邊跳轉過嚟)

西康粵拼sai1 hong1)係中華民國中國西南地區設立嘅一個省,省會喺康定,喺中華民國嘅地理大區分類中屬西部地區。

歷史[編輯]

中華民國北洋政府時期,已經將呢度劃做川邊特別區,準備建省。西康省響1939年1月1號正式成立。

1950年4月,中華人民共和國佔領西康省後,將省會搬到雅安1955年9月,中共政府廢咗西康省,將原有嘅土地撥去四川省西藏自治區

地理[編輯]

西康省嘅範圍,包括而家四川西面嘅阿壩藏族羌族自治州甘孜藏族自治州涼山彝族自治州攀枝花市雅安市,同埋西藏東面嘅昌都地區林芝地區,面積大約45萬平方公里。

地勢方面,西康省西面係青康藏高原(因為西康省廢咗,所以而家只係叫青藏高原)嘅一部份;中部係有怒江金沙江瀾滄江等河流流過嘅縱谷地帶;東面係四川盆地嘅一部份。