西康

西康（粵拼：sai1 hong1）係中華民國響中國西南地區設立嘅一個省，省會喺康定，喺中華民國嘅地理大區分類中屬西部地區。

歷史

中華民國北洋政府時期，已經將呢度劃做川邊特別區，準備建省。西康省響1939年1月1號正式成立。

1950年4月，中華人民共和國佔領西康省後，將省會搬到雅安。1955年9月，中共政府廢咗西康省，將原有嘅土地撥去四川省同西藏自治區。

地理

西康省嘅範圍，包括而家四川西面嘅阿壩藏族羌族自治州、甘孜藏族自治州、涼山彝族自治州、攀枝花市、雅安市，同埋西藏東面嘅昌都地區、林芝地區，面積大約45萬平方公里。

地勢方面，西康省西面係青康藏高原（因為西康省廢咗，所以而家只係叫青藏高原）嘅一部份；中部係有怒江、金沙江、瀾滄江等河流流過嘅縱谷地帶；東面係四川盆地嘅一部份。