工作日同休息日
工作日同埋休息日分別係一個禮拜入面，專門分成工作同休息之間嘅補充成分。全球大多數國家都係揀禮拜一到五工作，禮拜六、日休息。不過「週末」兩字嘅含義比較蒙查查，因為有啲國家揀禮拜日、一做分界；有啲國家揀禮拜六、日之間做分界；亦有啲國家揀禮拜五、六之間做分界。喺大多數國家，禮拜五挨晚或晚黑收工之後，通常係週末。
不過亦有例外，好多穆斯林國家及地區，會揀禮拜四到五做週末[1]。不過有啲國家爲咗方便國際交流而將休息日改成禮拜五、六[1][2]或禮拜六、日[3]。
亦有啲國家喺一個禮拜淨休息一日。全球淨得7個國家淨休禮拜日；有2個國家淨休禮拜五；重有一個國家淨休禮拜六。而家有部份單休嘅國家都改成雙休日嘅制度，不過同全球大多數國家屬特別案例：出現休禮拜五、六同埋休禮拜五、日嘅事。
史[編輯]
一個禮拜之所以有7日，最天經地義嘅就係公元前6世紀由猶太教啲人創造出嚟[4][5]。喺古羅馬出現一個禮拜有8日嘅事[6][7][8]；喺法國共和曆甚至出現一個禮拜有10日嘅事。蘇聯喺1929～1940年用嘅蘇維埃曆出現一個禮拜有5～6個工作日。而「週末」（week-end）一詞，喺19世紀初由英國北邊搞出[9]。嗰時淨從禮拜六14:00開始休息，直到禮拜一朝頭早先至開工[10]。甚至喺1879年嘅《牛津英文辭典》都有記載到噉嘅事[11]。而全球第一個五日工作制，喺1908年由美國政府探訪咗新英格蘭入面間棉花紡織廠而提出，嗰時棉花廠喺每個禮拜五挨晚到禮拜六挨晚都唔開工[12]。亨利福特創辦嘅福特汽車從1926年開始，因吸取十月革命嘅教訓，而試過每個禮拜六、日閂檔休息。從1929年開始，陸續有工廠開始實行一個禮拜兩日嘅休息制度。嗰時休息兩日唔係必需品，直到1940年，美國政府根據1938年發佈嘅公平勞動法案，先至要求每間企業實行一個禮拜休兩日嘅制度[12]。
尤其喺1940～1960年代，爲咗迎接日益廣泛嘅國際交流同埋適應國際市場，有好多國家實施咗雙休日制度，不過唔係揀禮拜六日就係禮拜五六做雙休。
唔同國家嘅工作日同休息日[編輯]
喺全球各地，唔同國家或地區，工作日同休息日都唔同。
亞洲[編輯]
東亞[編輯]
中國[編輯]
中華人民共和國喺1949年10月1號成立之後，實施咗從禮拜一到六嘅上班制度。直到1995年5月1號先至實行休禮拜六、日嘅雙休日制度[13][14]。雖然有學校、醫院、企業都學住做，但係涉及生產製造業啲工廠會喺禮拜六開工；而大多數商舖、博物館、電影院同埋商業化企業都會喺禮拜六、日及節假日開工。銀行除咗節假日同禮拜六晏晝、禮拜日都會休息之外，其它時間都會開工。
日本[編輯]
日本喺1980年之前，實施咗從禮拜一到五及禮拜六半日（每個禮拜夾埋40個鐘）嘅上班制度。直到1980～2000年間先至陸續有公司實行禮拜一到五開工嘅事，但上班時間係每個禮拜夾埋45～48個鐘。而公辦學校同除城市辦公室外嘅公家設施都會喺禮拜六有半日開工[15]。
蒙古國[編輯]
蒙古喺禮拜一到五開工，一個禮拜夾埋最多上40個鐘頭班。大多數商舖喺週末開工，亦有好多大型零售業都會喺禮拜日開工。其中，私營單位喺每日09:00～18:00上班，而政府部門都會有滿額工時。
北韓[編輯]
北韓從禮拜一到六上班，淨得禮拜日休息[16]。
東南亞[編輯]
南亞[編輯]
中亞[編輯]
西亞[編輯]
喺穆斯林地區，由於逢禮拜五都係主麻日，所以大多數中東地區啲國家嘅企業都會揀禮拜四、五休息。不過喺大多數穆斯林國家都少揀或唔再揀禮拜四同五嚟休息。
約旦[編輯]
約旦從1946年5月26號獨立之後，一直係禮拜六到三開工，後嚟爲咗迎接更加多嘅國際顧客去貿易，喺2000年1月5號宣佈，從2000年1月9號開始改成每個禮拜日到四開工[17][18]。
阿曼[編輯]
阿曼早期一直係禮拜六到三開工，後嚟爲咗迎接更加多嘅國際顧客去貿易，喺2013年4月7號改成每個禮拜日到四開工[19]。
也門[編輯]
也門早期一直係禮拜六到三開工，後嚟爲咗迎接更加多嘅國際顧客去貿易，喺2013年8月15號改成每個禮拜日到四開工[20]。
非洲[編輯]
北美洲[編輯]
南美洲[編輯]
歐洲[編輯]
大洋洲[編輯]
睇埋[編輯]
註同攷[編輯]
- 註
- ↑ 伊朗係禮拜六到下個禮拜三
- 攷
- ↑ 1.0 1.1 "Saudi Arabia switches start of weekend from Thursday to Friday". BBC. 24 June 2013. 喺22 August 2020搵到.
- ↑ Maxwell, Brandt (2006). "Countries with days off from work besides Saturday and Sunday".
- ↑ "UAE Government announces Saturday – Sunday weekend from January 1, 2022". The Brew (英文). 原著喺2022-12-08歸檔. 喺2022-04-15搵到.
- ↑ Eviatar Zerubavel (1989-03-15). The Seven Day Circle: The History and Meaning of the Week (英文). University of Chicago Press. ISBN 978-0-226-98165-9.
- ↑ Senn, Frank C. (1997). Christian Liturgy: Catholic and Evangelical (英文). Fortress Press. ISBN 978-0-8006-2726-3.
- ↑ The Teacher in Ancient Rome: The Magister and His World, Lisa Maurice, Lexington Books, 2013, pp. 26
- ↑ Ancient Rome in So Many Words, Christopher Francese, Hippocrene Books, 2007, pp. 76
- ↑ "LacusCurtius • Roman Calendar — Nundinae (Smith's Dictionary, 1875)". penelope.uchicago.edu (英文). 喺2017-06-19搵到.
- ↑ 引用錯誤 無效嘅
<ref>標籤；無文字提供畀叫做etymonline.com嘅參照 - ↑ Waiting for the Weekend, Witold Rybzinski, 1991
- ↑ Stanton, Kate (9 August 2015). "The origin of the weekend". The Sydney Morning Herald. 喺10 June 2017搵到.
- ↑ 12.0 12.1 Witold Rybczynski (August 1991). "Waiting for the Weekend". The Atlantic. pp. 35–52.
- ↑ 〈中国人假期65年变迁史：单休改双休用了45年〉. 2015-08-11. 原著喺2022-10-23歸檔. 喺2022-10-23搵到.
{{cite news}}: Unknown parameter|dead-url=ignored (|url-status=suggested) (help) - ↑ 〈单休还是双休 法律是如何规定的〉. 2022-05-15. 原著喺2022-12-06歸檔. 喺2022-10-23搵到.
{{cite news}}: Unknown parameter|dead-url=ignored (|url-status=suggested) (help) - ↑ "Jappleng University (Days of the Week)". 原著喺2016年3月25號歸檔. 喺2023年3月13號搵到.
- ↑ 〈朝鲜人一周上六天班, 星期天他们在忙什么!〉. 《網易》. 2023-02-14.
- ↑ "Jordan shifts weekend to Friday–Saturday". Associated Press International. December 25, 2000.
- ↑ "Jordan Announces new Friday/Saturday Weekend". wfn.org. January 5, 2000. 喺August 23, 2016搵到.
- ↑ "Friday–Saturday to be weekend holidays now". Times of Oman. April 7, 2013. 原著喺2021年2月25號歸檔. 喺2023年3月13號搵到.
- ↑ "Yemen introduces its new weekend- Yemen Post English Newspaper Online". yemenpost.net. 2013-08-16.