左優

出自維基百科,自由嘅百科全書
Jump to navigation Jump to search
一個人用左手寫德文詞「Linkshänder」(左優)

左優,又寫做左𠰋[1]左撓左搲粵讀:zo² jaau¹,注意「優」字嘅讀法),有時亦寫做左撇(正音zo² pit³,但多數人都照讀zo² jaau¹),係指比較慣同擅長用左手做,好似寫字,呢啲平常嘢嘅人。對於右優右手一樣。

概要[改源碼]

左優嘅人一般嚟講,用左手嘅次數比右手多出好多,例如寫、煮餸、揸筷子等。左優嘅人並唔係所有動作都習慣或偏好用左手,實際上完全左優嘅人並唔多。例如有啲人習慣用右手寫字、揸筷子,不過打波時就會用左手揸拍,呢種依照唔同行為選擇左或右手嘅情況亦有好多。另外,亦有雙手都能夠順利運用嘅動作。雖然好多人嘅利手同書寫嘅手相同,不過書寫並唔係判斷利手嘅標準。有啲人只係寫字同揸筷子時用左手,其他動作都用右手。

印度同好多伊斯蘭國家,去廁所之後用左手裝水將屎窟周圍洗淨(唔用廁紙)嘅習慣,因此認為左手比較唔乾淨,開餐唔露出左手,而有用右手進食嘅文化,一齊食嘢嗰時用左手會畀人覺得無禮貌。但印度同伊斯蘭國家亦有好多左優嘅人,喺食飯時用右手,其他動作都用左手進行。

左優嘅唔方便[改源碼]

由於社會上大多數人都係右優,大多數嘅架生、設施、以至文字嘅結構都係為右優嘅人而設,左優喺生活中難免會有唔方便。以鉸剪為例,通常手指公外推、其他手指向入嘅動作,經過鉸剪中間嘅支點,可以令刀片夾實以剪斷啲嘢。但左手拎鉸剪做相同動作時,會有刀片夾唔實、剪唔直嘅感覺。好多左優改用右手剪嘢,或者剪嘢時自我摸出用力嘅訣竅。而喺餐枱度,左優用筷子時,就特別容易同隔離嘅筷子「打交」,而引起誤會同尷尬。近年互聯網興起,唔少左優喺網上召集更多人,以為左優發言同捍衛佢哋嘅權利。

左優名人[改源碼]

睇𠹺[改源碼]

參考[改源碼]