帝王企鵝

出自維基百科,自由嘅百科全書
跳去: 定向搵嘢

帝王企鵝,又叫做皇企鵝或者皇帝企鵝,係企鵝嘅一種。佢哋約莫高4,重100,係家下體型最大嘅企鵝。帝王企鵝住響全最凍嘅南極洲。佢哋個身可以擋住每粒鐘100嘅強風,重忍到華氏零下180度嘅低溫。

帝王企鵝屬大概係喺3800萬年前由其他企鵝度分支出嚟,分成帝王企鵝同埋國王企鵝,兩種好相似。當帝王企鵝去到南極大陸嘅繁殖地,企鵝乸生咗蛋之後,就會畀企鵝公孵。帝王企鵝雙腳同埋肚下面中間有一塊佈滿血管嘅紫色皮膚,令啲蛋維持住喺97.6度。企鵝仔出咗世之後,就算企鵝公有幾肚餓都好,都會喺喉嚨嘅特殊細胞分泌盎司嘅營養汁畀企鵝仔食。企鵝乸返到嚟嗰陣,企鵝公嘅體重已經冇咗二分一到三分一左右。企鵝乸同企鵝公換手之後,企鵝公就會走去海邊搵食,路程相當遠。以帝王企鵝嘅行路速度,要花一段好長嘅時間。佢行路好似鐘擺咁搖搖擺擺,咁樣可以喺每一步儲低下一步要嘅能量。帝王企鵝亦都係潛水潛得最深嘅企鵝,當佢哋入咗水之後,羽毛會唧晒啲空氣出嚟,減少浮力。佢哋重可以將心跳降低60%,減少要用嘅氧氣,令佢哋可以留低喺水底25分鐘,佢哋亦都可以潛到落1000英尺深。