企鵝

出自維基百科,自由嘅百科全書
跳去: 定向搵嘢
Wikipedia:點樣睇生物分類框How to read a taxobox
企鵝
化石年代:古新世到依家
黃眼企鵝 Megadyptes antipodes
黃眼企鵝 Megadyptes antipodes
物種分類
動物界 Animalia
脊索動物門 Chordata
鳥綱 Aves
企鵝目 Sphenisciformes
Sharpe, 1891
企鵝科 Spheniscidae
Bonaparte, 1831

王企鵝屬 Aptenodytes
冠企鵝屬 Eudyptes
小藍企鵝屬 Eudyptula
黃眼企鵝屬 Megadyptes
阿德利企鵝屬 Pygoscelis
環企鵝屬 Spheniscus

企鵝學名Spheniscidae)係一種唔識飛嘅,屬於企鵝目,企鵝科。

企鵝主要係喺南半球生活,依家知道全世界有十七、八種企鵝,多數分佈喺南極地區,而其中環企鵝屬嘅漢波德企鵝麥哲倫企鵝黑腳企鵝都分佈喺較低緯度嘅溫帶地方,至於加拉帕戈斯企鵝,就分佈更加接近赤道;而完全喺極地生活嘅企鵝得皇帝企鵝阿德利企鵝兩種。

特徵[編輯]

企鵝可以話係地球上最唔怕凍嘅雀。佢哋全身鋪滿羽毛,而且皮下脂肪有兩三公分咁厚,呢種特殊嘅生理構造,令到佢咃喺-60℃嘅冰天雪地中,依然能夠自由自在咁生活。

曾經分佈喺北極地區、依家絕嗮種嘅大海雀,可能同企鵝一樣咁頂得凍,兩種外表都好似,曾經俾人以為有親緣關係,令到喺發現企鵝嗰陣時,歐洲人幫企鵝改到個名好似大海雀咁。

企鵝同其他雀仔有好多共同特徵:身上有羽毛、重有又尖又硬又突出嘅喙、同埋有爪同鱗嘅雙腳。但係同其他鳥類好唔同,佢哋對翼唔發達,令佢哋唔識飛,亦都唔似其他走禽(例如鴕鳥)咁,因為身體又肥又唔擅長跑。但係企鵝趾間有蹼,對翼都演化到好似槳咁樣。噉嘅身體構造,令佢成為擅長游水嘅動物。

喺陸地上企鵝都係企喺度嘅,佢大部分時間好似人咁用腳來行,但係由於身型肥,佢哋行路都行得好遴迍吓。喺冰天雪地下,如果被捕獵者追嘅話,佢哋會全身傾前伏低喺地下,個肚貼住冰面,好似撑船噉,用腳撑來快速逃走。

生活習性[編輯]

企鵝住邊度[編輯]

佢哋通常住喺赤道以南,喺人跡罕至嘅地方先至見到佢哋。有啲企鵝住喺好凍嘅地方,有啲就住喺熱帶地方。但其實企鵝唔鍾意熱天氣,只有喺凍嘅地方,佢哋先會快活。所以,喺遙遠嘅南極洲沿岸,住得最多企鵝。

企鵝個身體[編輯]

佢哋睇落唔似雀,佢哋隻翼變成鰭狀,身體好似流線型,能夠輕快咁喺水入面游來游去。企鵝身上冚住一層厚厚嘅防水羽毛。喺呢層羽毛下面有一層比較柔軟嘅絨羽可以保暖。重有,佢哋層皮下面有層脂肪,可以防止體溫散失。

所有嘅企鵝身上都有類似嘅黑白花紋,呢啲花紋令到佢哋求偶嗰陣顯得更加醒目。

企鵝點搵嘢食[編輯]

佢哋多數喺海面搵食,必要時,佢哋都可以潛落水底搵。皇帝企鵝係潛得最深嘅企鵝。佢哋能夠潛到落二百五十公尺深度搵食,留喺水底停留廿分鐘。佢哋個胃好大,可以離家去好遠嘅地方食飽飽先,然後再遊返去慢慢餵企鵝仔。

喺海度,企鵝非常醒目,重可以潛入水底565米深、廿二分鐘咁耐,亦都可以游出岸邊6到12公里遠,去捉小魚、磷蝦等等嘅嘢來食。

分類[編輯]

企鵝目 Sphenisciformes

[編輯]

睇埋[編輯]

出面網頁[編輯]