麥哲倫企鵝
麥哲倫企鵝（學名：Spheniscus magellanicus），又叫麥氏環企鵝，係溫帶企鵝入面最大嘅一個種類，主要分佈喺南美洲嘅阿根廷、智利同埋福克蘭群島嘅沿海，亦有少量住喺巴西境內。佢伙環企鵝屬入面數量最多嘅一種，同同屬嘅非洲企鵝、漢波德企鵝同加拉巴哥斯企鵝嘅親緣好近。
麥哲倫企鵝個名嚟自好出名嘅航海家麥哲倫，佢喺1519年第一次環繞南美洲大陸航行嗰時發現咗呢種企鵝。
麥哲倫企鵝喺企鵝家族入面屬於中等身材，一般嘅身高大概係70厘米，而體重大約係4公斤。佢哋個頭主要係呈黑色，重有一條白色寬帶由眼後面穿過耳仔一直延伸到下頜附近。
