度小月
度小月係臺灣一間擔仔麵食肆，歷史可以追溯到1895年臺南洪氏先祖喺街邊擺賣，1946年由第二代喺臺南正式定點營業，1999年喺臺北開分舖，2013年同2017年更先後將業務拓展到北京同香港，不過香港分舖喺2024年全線執笠。
事件
[編輯]2024年9月，度小月香港最後一間舖頭尖沙咀海港城分店執笠。喺香港經常評論時事嘅紀惠集團行政總裁湯文亮博士寫咗篇文，話度小月喺香港全線結業其實係好消息，佢解釋話「度小月」意思係「大家一齊過困難日子，一碗肉碎飯就當一餐」，又話度小月「睇唔起香港人，以為香港要度小月」，更加話度小月全線執笠代表「香港最困難時候即將過去，唔使度小月」[1]。
不過，根據度小月官方網站，「度小月」個名嘅由來實際係創辦家族洪氏先祖靠捕魚搵食，出唔到海嘅月份（「小月」）就賣擔仔麵維持生計，所以叫「度小月」[2]。