庶吉士
庶吉士，亦稱庶常，係官名。自大明洪武年間起[1]，用到大清末。
名
[編輯]《尚書》下《立政》篇有提及「庶常吉士」[1]。大明皇帝朱元璋，取其意而叫庶吉士[1]。
性質
[編輯]庶吉士係翰林院內短期職位。由科舉進士中，揀啲有潛質嘅擔任。目的係等佢哋喺翰林院學嘢先，之後再畀官職。有啲似家下見習生或研究生。進士文學優等、善書就做庶吉士[1]。
史
[編輯]明
[編輯]大明洪武年間開始，揀進士喺六部諸司同中書觀政。永樂年中，專隸翰林院[1]，變成科舉進士一甲，授翰林修撰、編修。而二甲、三甲之中，揀年輕而才華出眾嘅，入翰林院任庶吉士，稱為「選館」。
明翰林，係政府儲材之地。永樂有例，非進士不入翰林，非翰林不入內閣。故此，庶吉士又叫「儲相」，做到庶吉士，平步青雲都易啲。
清
[編輯]大清沿明制。雍正以後，選館更加嚴格。選館由朝考決定，由皇帝主持。
大清設庶常館，有翰林官做教習，敎唔同知識[1]。庶吉士學三年[1]。三年之後，喺下次會試前考核，睇下優劣，稱之爲「散館」[1]。成績優異者，留任翰林，授編修或檢討，正式成為翰林，稱「留館」。其他就派去六部任主事、御史，亦都有派去做地方官。
大清唐人大臣，多數係翰林庶吉士。