康城影展

出自維基百科,自由嘅百科全書
跳去: 定向搵嘢

康城影展法文:Festival de Cannes)係一個喺法國南部城市康城舉辦嘅電影節,官方中文名叫戛納電影節。第一屆嘅康城電影節喺1946年舉行。

影展活動[編輯]

官方評選[編輯]

官方評選(法文:Sélection officielle)係影展嘅最主要同最重要活動:

  • 競賽影片(法文:Compétition):長片會競逐金棕櫚獎(法文:Palme d'Or)、評審團大獎(法文:Grand Prix)、最佳導演獎(法文:Prix de la mise en scène)、最佳劇本獎(法文:Prix du scénario)、最佳女演員獎(法文:Prix d'interprétation féminine)、最佳男演員獎(法文:Prix d'interprétation masculine)同評審團獎(法文:Prix du Jury)。
  • 一種注目(法文:Un Certain Regard):影片會競逐一種注目特別提名(法文:Mention spéciale - Un Certain Regard)、一種注目最佳女演員獎(法文:Prix d'interprétation féminine Un Certain Regard)、一種注目評審團特別獎(法文:Prix spécial du Jury Un Certain Regard)同一種注目獎(法文:Prix Un Certain Regard)。
  • 非競賽影片(法文:Hors Compétition):唔想攞獎嘅影片。
  • 特别放映影片(法文:Séances spéciales):為個別電影人嘅作品提供額外嘅播放機會[1]
  • 電影基金會(法文:Cinéfondation):嚟自世界各地嘅電影學院嘅學生作品[1]會競逐電影基金會一等獎(法文:Premier Prix de la Cinéfondation)、電影基金會二等獎(法文:Deuxième Prix de la Cinéfondation)同電影基金會三等獎(法文:Troisième Prix de la Cinéfondation)。
  • 短片(法文:Courts métrages):由2011年開始短片會競逐短片金棕櫚獎(法文:Palme d'Or du court métrage)。

所有長片都會有份競逐金攝影機獎(法文:Caméra d'or)。

戛納經典[編輯]

戛納經典(法文:Cannes Classics)係放映嗰啲修復過嘅經典電影。

粵語電影[編輯]

  1. 東邪西毒(1994年):2008年嘅特別放映影片,由香港導演王家衛執導[2]
  2. 春光乍洩(1997年):1997年嘅競賽影片,香港導演王家衛攞到最佳導演獎(法文:Prix de la mise en scène)[3]
  3. 花樣年華(2000年):2000年嘅競賽影片,由香港導演王家衛執導,梁朝偉攞到最佳男演員獎(法文:Prix d'interprétation masculine),而美術總監張叔平、攝影指導杜可風李屏賓就攞到藝術成就獎(法文:Grand Prix de la Commission Supérieure Technique)[4]
  4. 大事件(2004年):2004年嘅非競賽影片,由香港導演杜琪峰執導[5]
  5. 復仇(2009年)[6]:2009年嘅競賽影片,由香港導演杜琪峰執導[7]
  6. 過界(2013年)[6]:2013年嘅一種注目嘅影片,由香港導演劉韻文執導[8]
  7. 盲探(2013年):2013年嘅非競賽影片,由香港導演杜琪峰執導[9]

[編輯]

  1. 1.0 1.1 About Us. Festival de Cannes. . 喺2013-05-21搵到;. 
  2. ASHES OF TIME REDUX. Festival de Cannes. . 喺2013-05-20搵到;. 
  3. Compétition, Le Palmarès 1997. Festival de Cannes. . 喺2013-05-20搵到;. 
  4. Compétition, Le Palmarès 2000. Festival de Cannes. . 喺2013-05-20搵到;. 
  5. BREAKING NEWS. Festival de Cannes. . 喺2013-05-20搵到;. 
  6. 6.0 6.1 部份對白係粵語
  7. VENGEANCE. Festival de Cannes. . 喺2013-05-20搵到;. 
  8. BENDS (《过界》). Festival de Cannes. . 喺2013-05-20搵到;. 
  9. BLIND DETECTIVE. Festival de Cannes. . 喺2013-05-20搵到;. 

出面網頁[編輯]