廣州南洋理工職業學院

出自維基百科,自由嘅百科全書
跳去導覽 跳去搵嘢

座標: 23°35′6.3″N 113°36′39.6″E / 23.585083°N 113.611000°E / 23.585083; 113.611000

廣州南洋理工職業學院
Guangzhou Nanyang College
校訓團結勵志 拼搏創新
開辦1984年10月
類型私立
校址Flag of the People's Republic of China.svg 中國廣東省廣州市從化區溫泉鎮
環市東路1123號(105國道 - 2489.8km)
網站http://www.nyjy.cn/ 官方網站

廣州南洋理工職業學院gwong2 zau1 naam4 joeng4 lei5 gung1 zik1 jip6 hok6 jyun2中國廣東省廣州市嘅一間學院,喺1984年10月經廣東省人民政府批準同教育部備案後成立嘅普通高等民辦學校,位置喺從化區溫泉鎮環市東路1123號(105國道嘅2489.8公里標記)。

[編輯]

南洋自學考試輔導中心時期[編輯]

1984年,鄧李剛教授同西安交通大學嘅廣東校友會同行一齊出手搞咗間「南洋自學考試輔導中心」。佢之所以起名做「南洋」係因為1896年辦嘅南洋公學學府(而家係西安交通大學),加上要繼承同發揚南洋公學嘅科學人文精神、嚴肅同嚴謹、求真求實嘅治學傳統。最初時凈開辦咗高等教育自學考試同廣播電視大學專科班。1985年,成立咗出國人員培訓部同西安交通大學南洋函授站,同時重攞埋廣州市社會力量辦學先進單位嘅獎。

間學校喺1987年正式開始搞全日制辦學。最初全日制辦學時,喺而家越秀區五羊新城西華路開教學部。之後幾年內喺廣州市入面搞咗廿幾個辦學點,重喺成個廣東省搞咗50間分校、教學部、函授站。由於辦學成績比較好,喺1990年9月俾教育部宣佈爲全國自學考試先進單位。到咗1993年改名做「廣州南洋自學考試輔導大學」。

廣州南洋自學考試輔導大學時期[編輯]

1996年8月,學校正式批準為廣東省高等教育學歷文憑教育試點院校,喺番禺麗江成立全日制教學基地。之後1997年喺天河區五山成立全日制教學基地,重成立咗中專部。但教學基地喺1998年7月搬到龍眼洞一帶。於是學校分成南院同北院。時隔兩個月之後,學校又改名做「廣州南洋科技專修學院」。

廣州南洋科技專修學院時期[編輯]

而番禺麗江教學基地(南院)喺2000年搬咗入龍眼洞,從而合併南、北兩院。到咗2002年3月,設立從化校區,位置喺從化市神崗鎮(而家係從化區太平鎮神崗村)嘅南洋學邨(三百洞生態度假區嘅路口入去500m處)。

廣州南洋理工職業學院時期[編輯]

2003年10月,學校俾廣州市教育局批準而成立咗廣州南洋職業技術學校。當年經廣東省高校設置委員會評審,同意成立廣州南洋理工職業學院,同意後直到2004年4月先至批準成立。而龍眼洞校區喺2005年6月搬到從化神崗校區。2009年7月開始用咗一年時間,由潤都集團投資,起好咗從化九里步校區,之後2010年9月,學院搬入呢個從化溫泉鎮嘅新校區。而舊時嘅校區改做廣州南洋職業技術學校。

睇埋[編輯]

有關[編輯]

[編輯]