廣州回民飯店
廣州回民飯店（粵拼：gwong2 zau1 wui4 man4 fan6 dim3），之前嗌過廣州市五羊回民飯店（gwong2 zau1 si5 ng5 joeng4 wui4 man4 fan6 dim3）；佢係中國廣東省廣州市嘅其中一間清真飯店。喺越秀區中山六路嘅人民中路口嗰度。佢係家吓成個廣州市入面，最早嘅一間以伊斯蘭教徒為主嘅飯店。
史
[編輯]其實呢間嘢之前係一間清眞嘅食堂。不過喺1956年5月11號，嗰時為咗照顧廣州市同埋全國各地嘅穆斯林佬，重有回族等少數民族落咗嚟廣州嗰度開工。之前以清眞食堂為主嘅飯店，就喺嗰日開張。嗰時廣州市嘅市長——孫樂宜、越秀區副區長——馬景廉，就負責開始搞剪綵儀式。而營業方面，主要喺清眞食品範圍入面搞。到咗1959年8月就唔好彩，間回民飯店棟樓俾政府話咗係「三級危樓」先至搬咗佢中山五路嘅占無閣茶樓嗰度，之後一齊合併重改咗名嗌「回民飯店」嘅同時，接收咗中山五路嘅薩唐記分舖。喺1964年4月11號又搬到北京路嘅聚寶海鮮酒家嗰邊繼續搞，重收返回民冰室添。一直到1975年10月12號先至搬返嚟中山六路325號嗰度一直開舖到而家。不過喺1993年4月嗰陣，香港方面出咗700萬蚊港紙嚟幫間飯店搞全面裝修，而裝修工程去到1994年1月28號先至重新開業，嗰時重改咗名嗌「廣州市五羊回民飯店」。結果呢間酒樓就變咗成個廣州市入面，第一間穗港合資經營嘅清眞飯店。不過花無百日紅，就喺2000年5月31號，由於穗港雙方停止合作業務，搞到飯店執咗笠。而2000年7月2號，之前做過廣州市副市長嘅人——王守初，佢頂住壓力，要求回民飯店喺2000年10月1號之前重新裝修改造，重恢復返營業。後嚟到咗嗰年9月26號先至恢復復業。
特色
[編輯]呢間嘢同其它清眞嘅食肆唔一樣，佢整嘅係粵式清眞菜。而飯市就分成主食同菜兩大類，簡直同廣州市入面嘅其它飯店唔一樣。呢間嘢重係成個廣州市入面，最早嘅清眞飯店。