廣州市第13中學
| 廣州市第13中學 Guangzhou No.13 Middle School | |
|---|---|
 凝心聚力 揚帆競發 | |
| 位置 | |
| 高中部：文德路83號 初中部：禺山路14號 | |
| 明細 | |
| 類 | 廣東省一級學校 |
| 校訓 | 凝心聚力 揚帆競發 |
| 成立 | 1902年 |
| 校區 | 越秀區 |
| 級別 | 中學六年全日制 |
| 網站 | http://www.gz13ms.com.cn/ |
廣州市第13中學係中國廣東廣州嘅完全中學，1902年開辦，有兩個校區，都喺越秀區入面。
校服色
[編輯]| 廣州市第十三中學嘅校服 | |
|
|
|
|
| 註：上邊兩張喺2015年1月16號影，下邊兩張喺2015年4月29號影。 | |
學校嘅校服色：
- 短袖：
- 長袖：
喺2008年6月18號之前，呢間學校嘅短袖校服上面有劃著「SHI SAN ZHONG XUE」呢堆帶有紫藍色同中黃色組成咗條折線噉嘅英文響度，但係呢堆字喺2006年9月1號新出嘅校服就取消咗。而帶有「呢啲字」嘅校服喺2008年6月18號嘅中考考試結束咗之後先至消失嗮。
兩個校區嘅詳細位置
[編輯]
- 高中部：廣州市越秀區文德路83號
- 初中部：廣州市越秀區禺山路14號
史
[編輯]喺光緒廿七年（1901年）八月，嗰時清政府因為腐敗，成日俾人鬧到狗咁滯，佢唔想俾民眾玩殘佢，結果率先落令，話廢除科舉嚟搞學堂。就喺1902年，嗰時賀連田仁長、吳道鎔、舉人汪兆銓等紳士，就厝錢起咗間「中學為體、西學為用」、面向廣府各縣招生嘅新式學堂。而經費方面，就按俾廣府學宮明倫堂睺實咗嘅惠濟義倉，每年捐9600両白銀嚟起學校，結果佢哋總共捐咗19297両。就喺1902年先至辦咗間中學規制嘅教忠學堂，甚至連翰墨池（而家係蓮塘）南邊嘅明倫堂都隨時嚟借講堂都有。不過嗰時就喺同康有為辦嘅萬木草堂冇幾遠嗰度。喺光緒廿八年（1902年）二月，教忠喺貢院（而家係廣東省博物館）招考，一陣間就官紳畢集，總督陶模、巡撫德壽、學政（後嚟先至改咗嗌提學使）文治等開嘅「會同招考」，由學政話係甲定係乙嘅等級，嗰時啲人都好關注招考係點嘅。就喺嗰年七月先至正式開學。嗰時係廣東地區入面，比較早辦嘅其中一間學堂。
私立教忠學堂時期
[編輯]喺光緒卅二年（1906年），由於廣東喺度猛咁搞辦學狂潮，但係由於間學校冇乜老師響度，經學政同意咗話改咗辦初級師範。嗰時學校就嗌成「教忠師範學堂」。佢以孝弟祠為校務處，喺翰圃笪空地度起講堂同宿舍。而學額就分成四個：
- 通額——惠濟義倉喺每年負責捐錢嚟招60位學生嚟唔使學費入學，全廣東省啲士子都可以考得。
- 公額——各縣明倫堂、冊金局等每每次嚟捐100銀両嚟霸2位學額，唔使學費入學，多咗嗰啲都係按返噉嚟做。
- 義額——凡係邊未士紳負責捐咗超過500両嘅，1個學校係永遠唔使錢就可以入得學。
- 附額——如估名額滿咗而冇俾呢間學堂錄咗嘅，每年交24両嚟做「附學」生。
喺嗰時，由於啱啱開始搞辦學狂潮。雖然話各個縣都未搞學堂，但係佢哋都好鍾意捐錢嚟幫佢哋。
喺1901～1904年，嗰時好多「教忠」參加咗科舉考試，結果出咗好多位舉人。嗰時係新舊交替時期嘅怪現象，喺另一面都反映「教忠」學生重係有好舊嘅學根底響度。直到宣統年間，學部規定咗「畢業考試複試法」，而各府縣學堂嘅畢業生都要由省嘅學使話再考過一次試先至得；但因為「教忠」喺提學使嗰度直轄，所以喺畢業考試嗰陣就必須要派人嚟監考先至唔使再考過次試。據仁長記載，喺1902～1911年出咗五期總共2000人嘅畢業生（師範生×1200；中學生×400；小學生×400）。嗰時「教忠」嘅師範畢業生，喺各縣學堂入面猛咁嚟續約都有。
推翻咗清政府之後
[編輯]喺辛亥革命之後，丁仁長就走咗佬，畀咗汪兆銓嚟霸住個位。而學堂就變咗學校，雖然話間學校一直改咗嗌「廣東公立師範學校」嘅名，但係喺汪兆銓等人去咗廣東省民政廳長度話要改名，甚至重轉咗畀教育部都有，話學校一直係民眾負責出錢嚟辦嘅學校（有私立性質嘅嘢），結果俾教育部同意咗，就嗌返「教忠師範學校」。但「教忠」呢兩個字就冇受到影響，而學堂創辦人就諗住培養出嚟啲學生可以「忠君衛道」，不過「忠」字有好多隻解釋，所以「教忠」呢兩個字用咗50年咁耐。
民國時期
[編輯]喺民國成立咗之後嘅頭10年（1912——1922），嗰時因為局勢唔穩定，學校又冇乜發展噉。直到1923年先至改咗辦初級中學；甚至喺1928年8月加咗辦高中師範科。1931年先至分開咗初高中男子部、女子部同埋附屬小學，而高中師範科就繼續辦落去。喺1932年12月，民國教育部就出咗《師範學校法》，話私人或團體唔畀辦師範學校，結果「教忠」呢兩個字俾人喺1933年改咗嗌「私立教忠中學」。喺1935年就辦咗初中同高中嘅完全中學，嗰時係「教忠」嘅全盛時期。喺初中同高中、附小都有成67個班，而學生有差唔多3000幾人。
拆城墻嚟起馬路
[編輯]不過學校影響得最大嘅事係1919年，嗰時廣州話要拆城墻嚟起馬路。嗰時市政公所話將府學東街整闊佢嚟起成馬路（而家嘅文德路），佢先將靠近府學東街嘅科室、宿舍、操場都拆嗮。好彩嘅係市政公所嚟做座辦、而話拆城墻嚟起馬路嘅曹汝英就喺教忠學堂入面做過數學老師，佢同汪兆銓校長傾咗好多次先至達成咗「賠償補起」嘅共識先例，結果就喺之前廣府學宮嘅貫道門（而家嘅學校西北邊）起課室同宿舍，重喺番山嘅右手邊起返操場。而之前喺名宦祠嘅附屬小學拆咗之後，都喺貫道門隔籬冇幾遠嘅深柳書室舊址度起返啲課室仔。而學校師生就喺之前嘅崇聖殿（而家中山圖書館嘅南邊）後面嗰度出入，搞到好唔方便，結果喺1926年先至喺文德路度起返個側門。
抗日戰爭嗰陣
[編輯]喺抗日戰爭嗰陣，由於日本仔殺到廣州，嗰時學校猛咁一窩蜂噉搬嗮出去，但係「教忠」啲負責人就冇話到將間嘢搬走，而係話「城存與存城亡與亡」嘅豪言出嚟。但係最後都唔好彩，就喺廣州淪陷之前嗰幾日先至話停課，搞到喺呢幾十年嚟買嘅圖書同儀器等教都唔見嗮。喺廣州淪陷咗之後，金曾澄等喺澳門搞咗間分校，而有條件啲「教忠」學生都陸續去嗮澳門度複課，甚至重招收澳門當地嘅學生。結果時隔一年（1939年），中小學生就去到成千人喇。而校長就俾董事長金曾澄暫時坐住。直到1942年初，由於金曾澄返咗去中國內地嗰度做新嘅職位，而校董事會就嗌咗朱葆勤嚟繼任。而教務主任——沈芷芳都入咗去中國內地，就喺郁南縣連灘鎮又搞咗間分校嚟招收內地學生。嗰時學校有兩間分校響度。
抗日戰爭結束，中華人民共和國成立之前。
[編輯]蘿蔔頭投咗降之後，校董會就即刻派人返去廣州度重新搞返間學校。由於有大半間校舍都俾人毀壞嗮，搞到圖書同儀器等校具都冇埋。就喺1946年春先至重新辦返間學校，而學校辦咗三年先至修復返間學校。
中華人民共和國成立咗之後
[編輯]- 1949年10月：廣州解放咗之後，學校先至迎嚟咗新生。
- 1952年9月：同力行中學合併咗。
- 1953年7月：同萬川中學合併咗。
- 1953年10月，校董會同全體師生話一定要改返公立學校，由市政府接管，重正式改咗名嗌「廣州市第十三中學」。
- 1988年：俾廣東省教育廳話咗係全市唯一一間市屬普通中學。
- 1994年10月：廣州市人民政府，廣州市教育委員會正式批准咗呢間學校係第一批廣州市一級學校。
- 1997年：俾廣州市政府話咗係廣州市綠色學校。
- 1998年：俾廣東省政府話咗係廣東省綠色學校。
- 2001年：攞咗高中畢業班工作評估一等獎。
- 2004年：攞咗高中、初中畢業班工作評估呢兩個一等獎。
- 2006年：同廣州市第卅九中學合併咗。嗰年重攞埋「廣東省一級學校」嘅稱號。
- 2010年7月：同廣州市第廿五中學合併咗。