廣州市第65中學

出自維基百科,自由嘅百科全書
Jump to navigation Jump to search
廣州市第65中學
Guangzhou No. 65 Middle School
位置
江高校區:江高鎮愛國西路190號
同德校區:棠溪村德康路怡康正街7號
明細
廣東省一級學校
校訓 禮 信 愛 勤
成立 1946年
校區 白雲區
級別 中學六年全日制
網站
廣州65中各個校區
同德圍校區(西)
同德圍校區(東)

廣州市第65中學中國廣東廣州嘅全日制中學,1946年創立,有兩個校區,都喺白雲區入面。

兩個校區[編輯]

校服色[編輯]

廣州六十五中嘅校服
School Uniform for GZ65MS (L).jpg School Uniform for GZ65MS (S).jpg
School Uniform for GZ65MS (C).jpg
長袖
  • 衫:        相間。領    ,袖口    帶一條粗    線;正反面上        ,分界線喺心口位,成鈍角V字;背面嘅    底花紋中間位有類似BN Elements字體嘅「G.Z. 65」字樣。袖上        ,上頂有一條    極細線。兩袖之間嘅菱形有同背面嘅花紋連埋一齊;左右對稱。
  • 褲:    ,兩邊近袋口位有    嘅平行四邊形,喺平行四邊形入面重帶有「65」嘅阿拉伯數字(冬裝)或兩條相平行嘅極細線(秋裝)。
短袖
  • 衫:    。領同袖口都係        邊,但膊頭到近袖口位有兩條    極細線,兩線之間有Bank Gothic系列字體「G.Z. 65」字樣。左右唔對稱,有領有紐扣。
  • 褲:    ,兩邊都有中等厚度嘅    線。
棉褸

        相間。領    ,兩袖    帶一條極細    線,正反面都係上        ,分界線喺心口位,成直角V字,但正面中間有條粗嘅    直線成「↓」嘅箭嘴符號噉。

[編輯]

學校喺1946年為咗紀念國民黨愛國將領——伍觀淇而搞出嚟。開辦初期改名做私立庸伯中學,其中「庸伯」一名出自伍觀淇嘅字號。1950年初,禺北[註 1]辦事處接手時,將呢間中學同德基合併而改名做禺北初級中學。同年9月,由於番禺縣人民政府正式接手,學校開始充公而改名做番禺縣第四中學。期間學校一直喺江村嘅鄉德堂(今日嘅江村大祠堂)入面開辦。

1951年冬,學校開始喺流溪河江夏嶺邊搞咗新校區,重喺1952年10月起好兼搬入。但嗰時學校辦學設施比較落後,直到1956年改成完全中學為止。1957年,由於江村改屬廣州市郊區,學校唔單止改咗畀廣州市嘅郊區[註 2]人民政府睇實,甚至連校名都改成廣州市江村中學。期間連續俾廣州市屬下嘅教育部門猛咁讚,直到1965年成為廣州市北邊一名牌中學。

1966年,文革爆發,由於65中學生作反,話教學設施同教學資料係「牛鬼蛇神」而全面破壞,令學校嘅正常教育教學工作全部停嗮。三年後,校名改名做廣州市第65中學。期間學校一直以學工農同無產階級革命嘅教育為主,但教育質量大跳水直到1977年開咗十一屆三中全會為止。

郊區人民政府(今日嘅白雲區人民政府)喺1985年開始向學校加大投入兼要佢辦好啲學校,令學校入面啲設施同設備開始出現大規模改善。重喺1986年9月擴大招生範圍。從1988年夏開始,學校嘅教育質量開始提升,直到1990~1993年出咗好多位優秀嘅學生出嚟社會。1995年正式成為廣東省一級學校兼1999年通過複審。學校升級成廣東省一級學校之後,2004年亦成為國家級示範性普通高中。

喺白雲區桃園中學正門附近嘅教學樓,上面可以見到廣州六十五中嘅校徽,可以得知佢係65中屬下嘅民辦學校。

從2005年開始,學校擴大咗佔地範圍兼新起咗教學樓、實驗樓、圖書館、體育館、行政綜合樓、400米嘅運動場同文化藝術長廊、游水池,重按示範性高中搞咗教育教学設施同設備。

開辦屬下學校[編輯]

踏入21世紀後,學校為咗擴大影響力而喺2000年開辦白雲區梓元崗中學、2003年開辦白雲區桃園中學同埋金桂園小學

同德校區[編輯]

同德校區喺2012年4月29號喺近同德圍嘅棠溪村開辦,同年9月1號正式開學。初期規模比較細,凈得間東教學樓響度,直到2013年8月23號改造咗原校舍、學生宿舍同食堂同新起咗西教學樓、實驗樓同體育館、室外運動場等。2013年下學期[註 3]期間,原先喺同德校區讀書啲學生都搬嗮去江高校區上堂直到2015年暑假前為止。

2015年8月底,同德校區全面起好嗮,同年9月1號正式開學[1]。原先搬嗮去江高校區上堂啲同德校區師生都返嗮嚟同德校區上堂。

註同攷[編輯]

  1. 今日屬廣州白雲區北邊同黃埔區北邊嘅地區,嗰時禺北唔屬廣州地區。
  2. 即係而家嘅白雲區,廣州市郊區曾經喺1949~1958年及1959~1987年間出現過,1987年改名做白雲區。
  3. 中國大陸嘅教育界屬跨年學制,凡係講嚫「××××年下學期」都係指公曆每年二三月到七月初期間嘅時段。例如「n年下學期」就係「(n+1)年二三月到七月初」噉解。

出面網頁[編輯]