廣州醫科大學附屬第三醫院
(由廣醫三院跳轉過嚟)
史
[編輯]醫院喺1899年12月12號成立，最初係美國基督教長老會辦嘅廣東女醫學堂屬下嘅贈醫所。醫院成立1週年之後，女醫學堂脫離贈醫所而獨立。而贈醫所喺1902年4月23號改名做「柔濟醫院」，直到1930年改成由華人自己嚟辦嘅醫院。中華人民共和國成立之後無耐，嗰時規定唔畀有私人機構，喺1954年2月1號俾廣州市人民政府接辦而改名做「廣州市第二人民醫院」。1998年重喺婦產科嘅基礎上，成立咗廣州市婦產科研究所。2006年5月22號轉畀廣州醫學院管理，從而改名做「廣州醫學院第三附屬醫院」；2013年6月18號，由於廣州醫學院改名做「廣州醫科大學」，醫院亦改名做「廣州醫科大學附屬第三醫院」。