延期支付嘅標準

延期支付嘅標準（standard of deferred payment）喺經濟理論上係錢嘅一個功能：錢普遍有價值，可以攞嚟做延期支付－兩個經濟個體可以講明「家陣呢個人借咗幾多幾多錢，會喺某段時間內還錢」；錢嘅存在令到借貸嘅活動變得容易，而喺現代社會當中，借貸令到人有得（例如）問銀行借錢搞生意，事業有成之後還錢畀銀行，令到好多唔借錢就唔夠本錢搞生意嘅人有得搞生意－變相幫助咗長遠嘅經濟增長。