張寶勝
| 張寶勝 | |
|---|---|
| 出生日 | 1960年  |
| 出生地 | 南京 |
| 死亡日 | 2018年8月3號 |
| 死亡地 | 北京 |
| 死因 | 心臟病 |
| 國籍 | 中華人民共和國 |
| 職業 | 偽科學家 |
[改維基數據] | |
張寶勝（1960年—2018年8月3號）係中國大陸喧囂一時嘅特異功能者同氣功大師，被視為中國特異功能嘅代表人物[1]。香港唔少賭片嘅角色都取材自佢。
生平
[編輯]1960年，張寶勝喺南京出世，原名沈繼寶。父母因家境困難，未滿月就將張寶勝交由長春嚟南京醫病嘅楊女士收養。楊女士返到長春冇幾耐之後又將張寶勝送畀其中一位姐姐撫養，跟隨夫姓姓張。[2]
1970年代，張寶勝初中畢業後喺遼寧本溪一座鉛礦場到打工[1]。
1980年代初，隨着中國大陸「人體特異功能」同「氣功熱」興起，張寶勝開始活躍，宣稱自己有「非眼視覺」功能，可以「藥片穿瓶」、「透視信封內文字」、「空手彎鋼勺」、「耳朵識字」等名目眾多嘅「特異功能」[1][3]。1982年，張寶勝被氣功特異功能組織調去北京[1]。同年5月，為中共元老葉劍英同王震表演特異功能，據稱表演好成功[3]。佢嘅特異功能被認為可以用喺軍事[1]，因而喺1983年6月2號，經中國國防科工委批准，張寶勝被正式調入507所[3]。贏得「神人」 、「中國聖人」、「國寶級氣功師」等美譽，據稱享受中央領導級待遇[3]。此後，張寶勝四處為政要名流發功醫病、做氣功報告，足跡遍及中國大陸同香港[1][3]。
1988年5月，以于光遠同中國科學院院士何祚庥為首嘅反對特異功能人士同支持張寶勝嘅人士共同測試咗張寶勝嘅「藥片穿瓶」能力；結果實驗唔成功，事後何祚庥認為張寶勝作弊[4]。同年7月，中國原子能科學研究院嘅研究人員對張寶勝嘅特異功能進行咗實驗觀測研究，認為張寶勝嘅特異功能係真嘅[5]。1991年，《超人張寶勝》一書大量公開發行[6]。同年，電視劇《超人張寶勝》喺好多電視台播出，一時影響甚廣，甚至被邀請為中央電視台春節聯歡晚會嘉賓。[3]
雖然張寶勝多次表演特異功能失敗[1]，但直到1995年，何祚庥測試張寶勝一事以《「超人」張寶勝走麥城》為題喺《中國青年》雜誌上披露後[3][4][7]。張寶勝至逐漸銷聲匿跡。後傳佢因詐騙一度被捕[3]。90年代香港曾經拍下唔少有關賭博嘅電影，例如周星馳《賭聖》系列中嘅「大軍」以及廣東特異功能隊，周潤發主演電影《賭神2》入面嘅張寶成，靈感據說都係嚟自張寶勝。
2018年8月3號，張寶勝因心臟病喺北京去世。[8]
參考
[編輯]- ↑ 1.0 1.1 1.2 1.3 1.4 1.5 1.6 韓海 (2014)。《骗局曝光 走下神坛的大师们》。成都：成都時代出版社。頁 80–86。ISBN 978-7-5464-1054-8。
- ↑ 甄玉 (2002)。〈"超人"张宝胜其人其事〉。《科學與無神論》 (6): 41–47。
- ↑ 3.0 3.1 3.2 3.3 3.4 3.5 3.6 3.7 〈30年前把中南海骗得一愣一愣的"气功大师"张宝胜病逝〉。《法廣》 (中國中文)。2018年8月6號。原著喺2018年8月7號歸檔。喺2018年8月8號搵到。
- ↑ 4.0 4.1 嚴實 (1999年)。《世纪巨骗李洪志》。北京：大眾文藝出版社。頁 204–205。ISBN 7-80094-398-4。
- ↑ 李慶利,杜學仁,陳永壽,周書華,關遐令,楊楨,張錦榮,程微微,施所朗,馬桂蘭,蘇勝雨,朱天成,郝秀紅 (1990年)。〈用微观实验手段研究人体特异功能使物体穿过器壁的现象〉。《原子能科學技術》。24 (1): 92–96。原著喺2018年8月6號歸檔。喺2018年8月8號搵到。
{{cite journal}}: CS1 maint: multiple names: 作者名單 (link) - ↑ 諸葛喜漢 (1991年)。《超人张宝胜》。廣東人民出版社。ISBN 9787218006284。
- ↑ 何祚庥; 林自新、庆承瑞 (1995年6月)。〈"超人"张宝胜走麦城——一份迟到的报道〉。《《[[中国青年]]》》 (第6期)。ISSN 1002-9532。原著喺2021-05-25歸檔。喺2021-05-25搵到。
- ↑ 〈"气功大师"张宝胜去世 曾为叶剑英表演〉。《多維新聞》。2018年8月4號。喺2018年8月8號搵到。