張淑晶

張淑晶
出世	臺灣
國籍	中華民國
語言	國語、台語
母校	國立臺灣科技大學
職業	房東
出名原因	涉及多單租貸詐欺案 台灣首個設局欺騙房客被判刑嘅房東

張淑晶係台灣一名包租婆，涉及多宗租屋欺詐案被判監，甚至因此導致台灣政府喺2019年6月修訂俗稱「張淑晶條款」嘅「包租及轉租契約」。

張淑晶2013年開始喺新北市開始租屋生意，並利用各種不當手段告啲租客侵佔、損毀、欺詐或偽造文書等罪，侵吞租客押金。截至2018年，已經有160人對佢提出控訴，新北地方法院喺2018年7月3號對案件一審判張淑晶8年2月徒刑。張淑晶上訴高院，高院2020年12月23號將佢加監至9年8月，其中1年2月得易科罰金部分先定讞，其餘部分可上訴，張淑晶成為台灣首名設局詐騙房客被判刑嘅房東。

2021年10月5號，臺灣高等法院認定一審判決無問題，依照《使公務員登載不實罪》，張被判8個月有期徒刑，呢單案係身纏多件訴訟嘅張淑晶首單確定要坐監嘅案件。