影音使團

影音使團（英文：The Media Evangelism Limited）係香港一間基督新教以製作影音媒體用來做福音佈道嘅非牟利機構，1989年由袁文輝創立。由最初幻燈製作到今日嘅電影、電視、雜誌等跨媒體履行傳福音使命，2003年建立香港第一個24小時基督教電視台：創世電視，亦成立以祈禱同《聖經》真理為基礎嘅輔導熱線：人生熱線，2006年創立基督教雜誌：天使心月刊。

使命

影音使團成立初期，期望以影音媒體製作，採取現代人能夠明白嘅語言、接納嘅方式、熱門嘅話題去傳播福音、幫助人反省生命、信仰同抗衡文化、回應社會。目標：「穩握時代脈搏，感應群眾氣息，以基督主導生命，讓信仰淨化人生。」面對21世紀，影音使團期望成為教會同社會之間嘅福音橋樑，成為21世紀「城市宣教」嘅基地，建立更完善嘅福音製作系統，匯集各界基督徒，配合眾教會同機構，透過福音影視媒介傳播基督信仰。目標：「以慈善為社會關懷，讓福音改變世道人心，用愛建家立業，靠神改變人生。」

爭議事件

挪亞方舟事件爭議

2010年，影音使團同土耳其合作組成嘅「方舟探索隊」，並稱進入土耳其亞拉臘山，搵到懷疑挪亞方舟殘骸。之不過，呢項「發現」遭多方質疑。 例如：

• 2010年，美國「聖經世界」(World of the Bible) 事工創辦人兼考古學者Randall Price聯同另一個考古學者Don Patton聯名發表33頁報告 "A Critique of the Claim of Noah's Ark Ministries International of the Discovery of a Wooden Structure on Mount Ararat" 質疑方舟真假。

• 曾參與探索過程嘅美國宗教大學教授 Randall Price 指出成個「發現」都係偽造嘅，木材實際係由黑海附近搬運至亞拉臘山。

• 2011年8月，「國際創世事工」（Creation Ministries International）公佈立場書，重申認定影音使團聲稱之所謂「發現挪亞方舟」其實係被騙。立場書指已發表嘅照片所顯示嘅，絕大機會是新近嘅人工建構，這點與該使團做嘅絕大多數木樣本嘅炭十四定年法結果吻合，雖然他們只公開唯一一個被定為年代「老舊」樣本嘅結果。

• 2011年11月29日，64位來自美國、加拿大、澳洲、新加坡、台灣及香港嘅教牧領袖聯署，呼籲各基督教會考慮應唔應該支持影音使團。公開信中指出自2004年起，該使團喺未經確切核實之前，就不斷以「發現方舟」做噱頭黎舉行佈道會同拍攝電影，令人憂心會有扭曲事實及取巧之嫌。該使團至今未有按考古學嘅嚴謹治學態度處事，例如：該使團已在三處不同地點聲稱發現方舟遺骸，但唔肯公開地點畀其他考古學者核實。聯署者包括：香港中文大學崇基學院神學院教授、香港浸會大學校牧、信義宗神學院教授、中國宣道神學院研究部主任、伯特利神學院教授等。

福音電影

• 《下一站再愛你》
• 《魔術師的寶貝》
• 《因愛之名》
• 《挪亞方舟驚世啟示2》
• 《翻生奇兵》
• 《最·危險人物》
• 《流浪漢世界盃》
• 《耆英先鋒隊》
• 《天地孩兒》
• 《挪亞方舟驚世啟示》
• 《天作之盒》
• 《亞洲英雄》
• 《賭神之神》
• 《當生命遇上生命》
• 《生命因愛動聽》
• 《極度智能》
• 《末世終極密碼》
• 《愛也許不易》
• 《生命揸fit人》
• 《天使之城》

人生熱線影院

• 《真的戀愛了?》
• 《隱形鬥室》
• 《愛裏沒有懼怕之恐懼森林》

紀錄片製作

• 走近ISIS受害者
• 如果還有明天2 - 誰主生死
• 如果還有明天2 - 藝人‧警察‧過來人
• 天經地義
• 如果還有明天
• 人生熱線之鐵人挪亞
• 為何不可能III - 顛倒眾生
• 為何不可能II - 生命創奇者
• 為何不可能
• 地球深度行 VI - 香港創世記
• 地球深度行 V - 大地的寶藏
• 地球深度行 IV - 鐵証待判
• 地球深度行 III - 異獸物語
• 地球深度行 II - 破解達文西密碼之旅
• 地球深度行 - 以色列及土耳其之旅
• 香港創世紀
• 孫中山 - 歲月留聲
• 911見證專題

出面網頁

• 影音使團網站
• 創世電視
• 天使心月刊
• 人生熱線
• 影音使團嘅facebook頁