徐遠華（英文：Tsui Yuen Wa，1980年6月30號—），廣東梅縣人，係香港民主黨員，南區區議會黃竹坑選區前任議員，由2008年做到2021年，曾經係第六屆南區區議會入面資歷最深嘅泛民主派議員。
第6屆南區區議會由泛民主派主導，資歷最深嘅佢雖然表示過有意做主席或副主席，不過喺泛民協調入面未獲支持，結果由其餘兩位泛民舊人羅健熙、司馬文做正副主席。
2021年7月頭，佢同黨友羅健熙、陳欣兒、陳炳洋、潘秉康、黎熙琳、嚴駿豪一齊劈炮唔撈，辭任區議員。
