得意失意詩

得意失意詩（前四句又叫做四喜詩）係一首廣為流傳嘅詩，收錄喺宋人洪邁所著嘅《容齋四筆》道，首詩前半部分列舉咗原作者認為嘅人生四大得意之事。後半句係後人所加，係四大失意之事，形成對比。

全文

久旱逢甘雨，
他鄉見故知。
洞房花燭夜，
金榜提名時。

寡婦攜兒泣，
將軍被敵擒。
失恩宮女面，
下第舉人心。

作者

無人確切知道首詩原作者係邊個，衹知道後面四句係後人所加，而前面四句有人話係漢朝無名氏所作，有人話係杜甫作，又有人話係宋朝汪洙作。

變化

首詩前四句更廣為人知，亦喺傳頌過程中出現多個版本，洪邁所錄衹係其中一個。第一、二、四句都有唔同版本，輯錄如下（唔同部分用粗體標出）。

久旱逢甘露，
他鄉遇故知。
洞房花燭夜，
金榜題名時。