德川慶久

出自維基百科,自由嘅百科全書
德川慶久

德川慶久 公爵(日文:とくがわ よしひさ,1884年9月2號1922年1月22號)係日本政治人,末代江戶幕府將軍德川慶喜第七個仔。佢同時係德川慶喜家第二代當主。

經歷[編輯]

後生嗰時嘅德川慶久

佢啱出世嘅時候,老豆德川慶喜本身改佢個名叫德川久。響1896年,佢入讀學習院。響1902年,老豆德川慶喜夾硬要改佢個名叫德川慶久(聽講係因為德川慶喜個名係由德川家慶改嘅,而佢想個仔都叫阿「慶」)。響1906年,佢響學習院高等科畢業。

響1908年,佢娶咗有栖川宮威仁親王二女實枝子女王做老婆。響1910年,佢響東京帝國大學法科大學政治科畢業,而響同年12月,佢做到貴族院議員。

響1922年1月22號,響東京府東京市小石川區第六天町五十四番地(即係依家嘅東京都文京區小日向)入面,佢因為腦出血而突然死咗(不過有人話佢係自殺),終年三十七歲。死咗之後,佢畀人追賜正三位勲三等瑞寶章

屋企[編輯]

佢生前同老婆實枝子生咗四個女一個仔:大女慶子、二女高松宮宣仁親王妃喜久子、大仔慶光、三女喜佐子同埋細女久美子。