德川慶喜家

德川慶喜家（日文：とくがわよしのぶけ），係末代江戶幕府將軍德川慶喜畀人趕落台之後，明治天皇幫佢起嘅一個公家。德川慶喜家淨係傳咗四代就絕家。

歷史

1867年，德川慶喜大政奉還，同年佢響鳥羽伏見之戰入面打輸咗，一年之後佢將家督一位讓畀田安德川家嘅龜之助（即係後嚟嘅家達），而自己就去隱居。

1880年，明治天皇睇在佢係前幕府將軍嘅份上，就原諒咗佢，將佢升為正二位從一位。響1902年批準佢由德川家分家，另起德川慶喜家，而身份就係華族入面嘅公爵。

德川慶喜有好多仔女，其中庶大仔厚就同樣由德川家分家，另立德川厚男爵家；而四仔仲博就過繼畀池田輝知；九仔誠就由德川慶喜家分家，另立德川誠男爵家；而十仔精就過繼畀勝小鹿。

之後傳到第四代慶朝，慶朝響2017年死咗，又冇仔女，結果絕家。