池田仲博
池田仲博 候爵（日文：いけだ なかひろ 、1877年8月28號—1948年1月1號）係日本華族、貴族院議員、生意佬兼陸軍軍人（中尉），原名德川博（日文：とくがわ ひろし ），之後試過改名叫池田輝博，係江戶幕府末代將軍德川慶喜第五個仔、侯爵池田輝知契仔。
經歷
[編輯]1877年8月28號，佢出咗世，嗰時老豆德川慶喜改佢個名叫德川博。響1887年，佢跟大佬德川厚由靜岡搬去東京，同年4月佢入讀學習院。響1890年2月，佢正式做咗池田輝知契仔，重娶埋佢個女亨子做老婆，響同年4月改名做池田輝博。響1894年，因為佢同明治天皇第五個仔輝仁撞名，因而改名叫池田仲博。
響1896年，佢同同族嘅池田源借錢成功，開咗池田農場。同年，佢響學習院初等科畢業。響1898年，佢陸軍士官學校畢業。響1899年，佢做到陸軍步兵少尉。1902年，佢做到貴族院議員。響1907年，當時嘅嘉仁皇太子嚟到鳥取市，池田佢甚至可以將自己間屋畀咗佢。響1909年，佢畀人編去予備役。響1910年，佢受到高濱虛子嘅教導，識得點樣寫俳句。
響1946年，佢辭去貴族院議員一職。之後，因為華族制度畀人廢除咗，所以搞到佢冇咗候爵一職。
響1948年死咗。