恆安路 (廣州)

  呢篇文講廣州市嘅恆安路。想搵第二個意思嘅話，請睇恆安路。

恒安路 HENGAN LU

喺麓湖路嘅廣視賓館附近嘅橋頂嗰度望落去下邊嘅恆安路

性質： 一般馬路 全長： 1公里 行車線： 麓湖路口西邊：雙向2車道 麓湖路口東邊：1車道，西向東嘅單行線 地區： 廣州市越秀區 起點： 童心路 終點： 恆福路 主要建築： 廣東省皮膚病醫院 東濠涌

恆安路（粵拼：hang4 ngon1/on1 lou6）係中國廣東省廣州市嘅一條一般馬路，喺越秀區入面，成條馬路係東西走向。西邊從童心路嗰邊開始，一直向東去到恆福路嗰頭。

概要

全長1公里，闊14——19米。而車道行駛方向就有得分：

• 麓湖路口西邊：雙向2車道
• 麓湖路口東邊：1車道，西向東嘅單行線。

經過嘅道路

呢度啲路嘅順序係從西去到東嚟排嘅，其中加粗咗嘅字係主幹道：

• 童心路
• 麓景路
• 麓湖路
• 恆福路

特色

雖然呢條馬路大多數都喺內環路嘅橋底，得返麓湖路嘅東邊嗰橛冇內環路經過。而呢條馬路南邊黐住邊嘅係條火車軌。而麓景路嘅西邊就係一個大嘅貨運場，加上童心路嗰頭唔可以好直接噉去到呢條路入面，所以交通方面都比較冷清。周圍都停咗好多車噉。