《惡毒老人同盟》（英文：The Wicked League），係香港電視網絡拍嘅電視劇，由姜大衛、元華、郭鋒、白彪、黎彼德、李風、馮素波、謝月美、鄭恕峰、王青、黃文慧領銜主演，喺2013年9月開拍。
所謂「家有一老，如有一寶」，但係好多老人家喺生活上經常受到歧視。呢個故事嘅五位主角就係受盡自己家人、同事同朋友歧視嘅老人家。一次機緣巧合，五人聚埋喺一齊並決定對睇唔起佢哋嘅人報復，所以組成咗「惡毒老人同盟」。呢套劇以輕鬆嘅黑色幽默手法帶出現今社會老人家會遇到嘅問題同困難，希望觀眾可以了解老人家嘅難處同對佢哋孝順啲。
