愛爾蘭鎊

C系列（歐元取代愛爾蘭鎊之前嘅最後一代愛爾蘭鎊銀紙）50鎊紙幣正反面。正面嘅頭像屬於已故愛爾蘭總統道格拉斯·希渣。

愛爾蘭鎊（punt Éireannach）係愛爾蘭共和國以前嘅法定貨幣。國際代碼係IEP，符號係£，需要同英鎊區分嘅時候用IR£。

1999年，歐元取代愛爾蘭鎊成為愛爾蘭法定貨幣，但係愛爾蘭鎊直到2002年先至完全退出流通。北愛爾蘭由於係英國嘅一部分，繼續用英鎊。

歐債危機爆發之後，有傳聞話愛爾蘭會退出歐元區，重新啟用愛爾蘭鎊，但係愛爾蘭中央銀行否認咗伊個傳聞。