愛膚堅

出自維基百科,自由嘅百科全書
Jump to navigation Jump to search

愛膚堅係一隻專門醫香港腳嘅外用藥,用法係噴喺患處止痕,喺香港曾經幾出名。

廣告[編輯]

愛膚堅嘅廣告喺1970年代初至今仍然喺香港無綫電視亞洲電視嘅非繁忙時間播出。廣告喺20幾年嚟都冇變過,但製作粗糙。到咗後期播出嗰陣,已經變得好過時,往往令觀眾哭笑不得,但反而令到大眾留意。當中兩個最廣為人知嘅版本有:

  • 盧海鵬扮做一個大帥,赤腳喺地下度跳舞,大嗌:「香港腳痕到跳舞!」跟住一個副官幫佢噴愛膚堅喺隻腳度,然後盧海鵬話:「用愛膚堅一噴,舒服晒!」
  • 一部的士喺一個路口失控,的士停定後,上唇嘅的士司機向乘客道歉話:「對唔住,香港腳發作。」男乘客回應:「哼!用愛膚堅啦!」

愛膚堅嘅廣告通常同「黑旋風」廣告一齊播出。黑旋風係喺香港賣嘅一種殺蟲水,個廣告亦非常簡單,係一個忍者打扮嘅黑衣人噴殺蟲水,旁白話:「黑旋風夠晒威,黑旋風的確好使。」。

又一個經常同時播放嘅廣告係「腳癬靈」。畫面係一隻放大咗嘅腳,下面為一個人。旁白話:「你香港腳好番未呀?重痕呀?」,然後有另一把聲話:「如用其他藥無效,請快用腳癬靈啦。」

[編輯]

YouTube上面嘅 影片