香港腳

出自維基百科,自由嘅百科全書
跳去導覽 跳去搵嘢
感染香港腳嘅人腳趾間嘅情況

香港腳拉丁文學名叫 Tinea Pedis,中文學名叫足癬英文Athlete's foot)係一種由真菌感染得嚟嘅皮膚病中醫稱為腳氣[1][2]

病徵[編輯]

香港腳嘅主要原因係濕氣入侵腳底,令腳趾間好快加速新陳代謝嘅情況。輕微嘅腳板底會係噉甩皮,嚴重一啲會覺得痕、生水泡,甚至腳趾之間嘅位出現潰爛現象。

診斷[編輯]

除咗要有香港腳嘅病徵,重要將皮膚樣本拎去做培養同顯微鏡觀察,至可以確定係香港腳,開藥醫治。

[編輯]

醫香港腳嘅藥相當多,包括外用同口服藥[3]

搽藥[編輯]

食藥[編輯]

輔助藥物[編輯]

中醫治療[編輯]

中醫認為主運化、主升清、主統血、主肌肉五行方位。因此需要健脾利濕、清熱解毒;內外兼治、裏應外合。先至可以達到「兵來將擋,水來土掩」嘅效果。除咗內服中藥之外,仲有食療湯水[4]按摩同洗腳[5]

食療湯水[編輯]

  • 將所有材料放入,落7至8碗水,可配搭瘦肉或者係豬𦟌煲1個鐘
  1. 開胃健脾:淮山30克、五指毛桃60克、茯苓15克、薏米30克、陳皮6克、蓮子30克。
  2. 祛濕清熱:粉葛半斤、土茯苓半斤、赤小豆30克、扁豆30克、果皮6克、生薏米30克。

按摩[編輯]

  1. 太白穴:每日按壓雙腳50至100次,依個人可以承受嘅程度為主
  2. 三陰交穴:每日按壓雙腳5至10分鐘,依個人可以承受嘅程度為主

泡腳方[編輯]

  • 每日需以藥材浸泡患處20至30分鐘
  1. 糜爛型腳氣:地膚子、滑石粉同苦參30克,白矾同硼砂5克
  2. 水皰型腳氣:苦參、白蘚皮、馬齒莧同車前子30克,木瓜、蒼朮、 黃柏同埋生甘草15克
  3. 角化型腳氣:苦參50克同埋花椒30克(要放入500毫升白醋浸三日,分兩次使用)

預防[編輯]

  1. 記得喺沖完涼,同埋游完水後徹底擦乾隻腳同埋腳趾。
  2. 用吸汗效能良好嘅材料造嘅襪,避免着尼龍襪褲。
  3. 如果腳汗多,可以用止汗劑。
  4. 着通風嘅,例如涼鞋或天然材料造嘅鞋。
  5. 畀機會對腳通風。
  6. 如果屋企人都染上香港腳,避免接觸患者掂過嘅地方。

香港腳同香港嘅關係[編輯]

相傳英國喺佔領香港嘅初期,由於香港嘅夏天非常潮濕悶熱,部分成日着住長靴嘅英國士兵隻腳竟然生咗好多細小嘅水泡,有啲重紅腫化濃,痕得好緊要,由於歐洲醫生未見過呢種病,就認為呢種係喺香港發生嘅流行病,所以就叫佢做香港腳[6]

參考[編輯]

  1. 孫思邈《備急千金要方》第二十二卷(丁腫癰疽)一八三方
  2. 【中醫治療】炎夏濕熱易發內服外浸踢走香港腳- 明報健康網
  3. "Tinea Pedis by Courtney M Robbins". 原著喺2007年6月20號歸檔. 喺2007年6月14號搵到.
  4. 中醫教5貼士防腳患忌吃濕熱水果【內附湯水食譜】 - TOPick香港經濟日報
  5. 腳氣知多啲 - 香港01
  6. "點解叫做香港腳?". 原著喺2015年9月16號歸檔. 喺2015年9月14號搵到.

睇下[編輯]