蓮子

蓮子係蓮花嘅籽，亦係種食材，好多中國菜同東亞菜都會用，有啲會原粒用（去皮去芯），有啲會磨成蓮茸。蓮子芯味苦，一定要去咗蓮子芯先至可以入饌。去咗芯嘅蓮子磨成嘅蓮茸反而係甜嘅，可以製成蓮蓉月餅、蓮蓉包之類嘅甜點。

清初文學評論家金聖歎臨行刑前有兩句名句：「蓮子心中苦，梨兒腹內酸。」「蓮」諧音「憐」，「梨」諧音「離」。借「蓮子」同「梨兒」比喻同仔女永別嘅苦情。