《戇爸的禮物》（ngong6 baa1 dik1 lai5 mat6，韓文：7번방의 선물，英文：Miracle in Cell No. 7）係一套2013年上畫嘅韓國溫馨電影，亦係韓國第8套超過1000萬人睇嘅本土電影，同歷年嚟攞到呢項紀錄嘅電影相比之下係預算最低、但係收益率最高嘅一套。呢套電影嘅導演係李煥慶，講述一個得六歳智商嘅亞爸畀人誤會姦殺咗一個女仔而要坐監，最後畀人要脅認罪而畀判死刑，佢個女大個之後喺法庭上面幫佢沉冤得雪嘅故仔。
