我身騎白馬
| 我身騎白馬走三關 | |
|---|---|
| 全漢 | 我身騎白馬走三關 |
| 全羅 | Goá sin khiâ Pe̍h-bé |
《我身騎白馬》係臺灣前衛音樂作曲家蘇通達同歌仔戲名伶郭春美所屬春美歌仔戲團合作嘅電音歌仔戲作品，專輯喺2007年1月23號出版。收錄同名歌曲等幾首曲調嘅呢隻專輯，將台灣歌仔戲地方戲曲唱腔融合咗輕柔輕快嘅沙發音樂、爵士、古典、電音、同拉丁樂風。
2008年3月7號，超級星光大道參賽人徐佳瑩喺比賽期間用咗《我身騎白馬》專輯同名單曲做參賽曲。徐佳瑩以加入國語歌詞同重新編曲方式演繹《我身騎白馬》歌曲；網上為區別，叫嗰隻改編曲做抒情版嘅《我身騎白馬》。因為首歌獲該節目評審好評，令網上轉播率幾高。2009年5月，徐佳瑩出個人專輯，亦改編呢首歌做主打歌，其中，蘇通達重去幫手。
另外，《我身騎白馬》獨特專輯封面亦參選2008年格林美獎相關獎項，經審核後，該專輯封面獲得提名榮譽，該提名亦係封面設計者蕭青陽第2次攞到。
古調副歌
[編輯]取自歌仔戲七字調古詞嘅《我身騎白馬》主要副歌，實係台灣歌仔戲戲曲《薛平貴與王寶釧》劇情曲調之一，而嗰部分歌詞就係「我身騎白馬走三關，改換素衣回中原，放下西涼無人管，一心只想王寶釧」。[1]
參考
[編輯]- ↑ huajiamin (2012-06-29)，《陳亞蘭 身騎白馬走三關 (1992 乞丐與千金)》，喺2017-02-05搵到
- 《我身騎白馬》專輯，2007年1月23號，台北，典選音樂事業股份有限公司