手工藝,又叫手作,係種手藝,泛指齋靠自己嘅手,加埋相對簡單、相對唔自動化嘅架生,嚟整一啲物件。啲物件好多時都係用品,但係亦可以係飾物,甚至係藝術品。
不過乜嘢叫做簡單、乜嘢叫唔自動化,就某程度上係視乎係用嚟消遣定係用嚟做專業——如果係當消遣,簡單架生就會係例如鉸剪噉;如果係當專業,就連雅卡爾提花機都可以算數。