手掌向太陽

火車以歌名為名

手掌向太陽，日本童謠，柳瀬嵩作詞，今泉隆雄作曲。柳瀬氏正正係漫畫麪包超人作者。然而支歌早過麪包超人。一九六一年創作，由柳瀬氏拜托今泉氏作曲，宮城真理子演唱。一九六二年日本放送協會廣播。一九六五年出戰紅白歌唱大賽，廣為人知。一九六九年起，有小學六年級教科書教。無數人翻唱。日後麪包超人卡通片集同電影，都有唱依支歌。

手掌向太陽，日光穿過手背，現出血色，血流身內，見到人有生氣。查實作歌之先，柳瀬氏未來有啲不安，半夜熄暖氣做嘢。用檯燈暖手，指罅透出一片紅，好靚，好得意。當時有啲心灰，見到血流身內好，好鼓舞。因而浮現一句詞。原本寫來做家庭歌，而非童謠。

曲唱三次，格式一樣，只不過每次改咗一啲字。體現人人都活生生，蟲鳥都活生生。

日文歌名表記有好幾種，有手のひらを太陽に，有てのひらをたいように，又有手のひらをたいように，同埋有てのひらを太陽に。

日本土佐有火車以歌名命名，以表柳瀬嵩喺鐵路沿邊出身。