手語
手語（英文：Sign language，又寫Signed language或者就噉Signing）係用手勢同肢體語言而唔通過聲音來達意嘅語言，主要用手語嘅人或對象係聾啞人士。可以用手嘅姿勢、指向，雙手、手臂同身體嘅各種動作以及面部表情嘅組合來準確達意。佢同一般語言（又叫「口語」，主要通過聲音達意）有好多相似之處，所以語言學家認為兩者都係自然語言，但係手語同口語之間亦有顯著差異。
同口語、書面語類似，（有時甚至喺同一個國家裡面）唔同地方嘅手語亦都唔同，甚至喺同一個地區入面，唔同年齡層用嘅手語都會有分別。
喺2017年，聯合國將9月23號定為國際手語日，紀念世界聾人聯合會喺1951年嘅呢一天成立。