電筒

電筒，係手提式、扐得出外面、用來照嘢嘅架生。算係燈嘅一種，裏面有燈膽或者 LED 等嘅電子零件。

一支典型嘅電筒由電池畀電粒燈膽，放一塊透明玻璃或膠響燈膽前面保護佢，聚焦反射鏡聚焦燈膽發出來嘅光，反射成一束光，仲有著燈熄燈嘅掣，通常防水嘅殼，有啲電筒有揸手用嘅柄。

雖然電筒設計相當簡單，但係要等倒電池同燈膽發明咗，電筒響19世紀尾尾先有，因為早期嘅電池電力唔夠，因此英文叫佢做 "flashlight"，意思眨一眨嘅燈咁解。

發光二極管

最近越來越多嘅電筒改用發光二極管（LED），取代傳統燈膽。發光二極管已經發明咗幾十年，響1999年，位於美國加州聖荷西Lumileds（英文：Lumileds）公司發明咗白色高能量嘅鹵素發光二極管。2001年，Arc Flashlight 公司將呢種鹵素二極管用響電筒度。

發光二極管可以用較少電量發出更強嘅光，因此佢比傳統燈膽更慳電。喺啲細火數嘅 LED 電筒，電池比較耐用，有百幾個鐘咁耐。大火數 LED 嘅效率就比較低一啲。

發光二極管其他好處包括唔易撞爛，一般撞爛燈膽嘅情況之下，LED 都唔會撞壞。

以為發光二極管唔發熱係錯嘅。細火數 LED 產生好少熱，大火數 LED 都幾熱嫁，啲大火數嘅 LED 電筒用鋁造外殼，方便散熱。

有啲電筒嘅電力來自太陽能，日頭擺個電筒響太陽光之下，裏面嘅電子零件就會將光能變電能，叉嚿電。

有啲電筒嘅電力來自動能，喺搖支電筒嗰陣裏邊嚿磁石滑嚟滑去，側邊嘅線圈產生感應電流（Faraday's Principle of Induction），草^[1]埋草埋響電容度，整著粒 LED。

有啲用細細部嘅手動發電機，好似動能燈咁。用手撳下撳下整郁個飛輪，產生動能，裏邊嘅發電機就會將動能變成電能，整著粒 LED。