戲院

Berlin 一間戲院

戲院係畀人睇戲（電影）嘅社交場合。戲院裏面一個或者多個嘅放影室，好似一個禮堂，有多排嘅椅或企位，可以容納觀眾同時睇戲。響放影室/禮堂前面掛一塊大銀幕，後面有放影機，重有一套好勁嘅音響系統。

以前唐人嘅戲院主要係睇大戲，不過今時今日經已改變咗，多元化，進化到立體電影，同埋住客會所私人影院。

銀幕

Norway一間戲院裏面一塊大銀幕

一字多解。講媒體硬件，佢只係一塊會反射光嘅白布幕，由於放影時閃閃生銀光，所以叫做銀幕。以前傳媒見到嘅戲，出現嚮銀幕，所以將電影同銀幕混為一談，派生出銀幕拍檔、銀幕鐵三角、銀幕街、銀幕情侶咁嘅叫法。