抽認卡
睇埋：閃卡
抽認卡或稱閃卡（英文：Flash Card）、字卡，係一小塊紙片，喺學校入面用嚟做輔助教學。抽認卡可以用嚟記錄詞彙、歷史事件時間、公式等等。使用抽認卡嘅目的主要係幫助記憶，提高學生嘅學習動機、以及喺課堂上為學生提供多種感官嘅刺激。你喺每張卡片上面寫下一個問題（同時喺背面記低答案），用佢哋嚟測試自己，並根據你嘅測試、學習結果將佢哋進行排序、分組。
呢種策略令到學習更加有選擇性，即係：喺一組嘅卡片越難，你就越要花時間複習呢一組。於是，你就可以節省好多學習時間。有指，閃卡過份著重於生字或會對語言嘅掌握有限。呢個方法係由德國心理學家瑟巴斯坦 · 萊特納喺20世紀70年代提出嘅。 Pimsleur 語言課亦係基於類似嘅想法。
例子
[編輯]
“五輪學習法 ” 係應用抽認卡嘅典型例子。其原理係：
- 喺人腦入面有短期記憶同長期記憶之分。
- 研究記憶規律，一個事物重複記憶五次，更有可能入腦成長期記憶。