拔萃女書院

出自維基百科,自由嘅百科全書
拔萃女書院
現任校長 劉靳麗娟
學校類型 直資中學,女校
信乜教 基督教聖公會
建立時間 1860年
所在地 九龍佐敦道1號
學校顏色 波斯藍
拔萃女書院

拔萃女書院(Diocesan Girls' School)係香港一間女子中學,亦係香港最老嘅學校之一,坊間通常叫佢做DGSDG或者女拔,歷來培養咗唔少人才。

2009年4月校園開始重建,學校暫時搬去九龍深水埗青山道101號(即係德貞女子中學前校舍)。校園喺2011年重建完之後,學校喺2011年9月1號搬返入去。

女拔注重全人發展,唔想學生死讀書。於是學生學業成績好之餘,音樂、體育方面都好出色。

學業方面,最威水就係好多年香港中學會考都出過「十優狀元」(即係報考十科都攞A),1999年重一次過有6個咁多。新制下香港中學文憑考試自2015年起每年都有至少一名「狀元」誕生,而2019年、2020年更連續兩年有「超級狀元」(即考獲4必修科+3選修科,同時喺數學延伸部分都考獲5**成績)誕生。

音樂方面,合唱團、管絃樂團等多次喺校際音樂節得獎,2003年更包辦合唱團所有大獎。至於體育方面,女拔以游水最勁,已經贏咗校際游泳冠軍23年。

舊生[編輯]

出面網頁[編輯]