廖秀冬

出自維基百科,自由嘅百科全書
Jump to navigation Jump to search
廖秀冬
博士 GBS MBE JP
英文名 Sarah Mary Liao Sau-tung
出世 (1951-12-25) 1951年12月25號(67歲)
 英屬香港
國籍 Flag of Hong Kong.svg 中國香港
教育程度
  • 化學及植物學學士
  • 無機化學碩士
  • 環境/職業健康博士
  • 分析化學碩士
母校
職業 環保人士
職務 環境運輸及工務局局長
(2002年7月1號-2007年6月30號)
前任 新職位
繼任 取消職位
配偶
蕭炯柱
(婚. 1973; 死. 1991)
仔女 2
親屬 阿哥 廖約克
廖秀冬
出生日 1951年12月25號 喺Wikidata改呢個 (67歲)
母校 香港大學 喺Wikidata改呢個
職業 太平紳士 喺Wikidata改呢個
配偶 蕭炯柱 喺Wikidata改呢個

廖秀冬博士,GBSMBEJP1951年12月25號—,英文Sarah Mary Liao Sau-tung),係香港政府前高官,做過環境運輸及工務局局長(2002年7月1號—2007年6月30號)。因為環境運輸及工務局局長係香港政府最高架構三司十一局嘅一部份,所以佢當時亦自動入埋行政會議。廖秀冬本身係環保人士,喺北京住過。2001年加入北京奧運會組織委員會(奧組委),做環境顧問。

簡歷[編輯]

早期工作[編輯]

廖秀冬喺1988年開咗一間環境顧問公司,向政府學校同埋建築師、發展商等私人機構提供對環保事項嘅專業意見。1997年,因為佢間公司重同一間國際工程顧問公司合併,佢開始涉及中國內地台灣方面嘅工作。2001年北京申請辦2008年奧運會,廖秀冬畀奧運會申辦委員會請咗做環保專家同代表,負責同北京申辦奧運講解環保狀況嘅部份。佢亦做過西圖集團中國區總經理,負責管理環境同基建工程。

廖秀冬一直積極參與推動環境保護嘅工作,包括參加香港好多個民間環保團體,又幫手主持多個國際環保會議。1988年至1992年,做過香港工程師學會環境分部理事。

加入政府[編輯]

2002年,當時嘅行政長官董建華連任後,大幅改組政府架構而推行高官問責制,7月揾咗廖秀冬做環境運輸及工務局局長。廖秀冬喺2002年8月1號宣誓就任。初時,有人質疑廖秀冬環保人士出身,對於呢個局另外兩個主要工作範疇公共運輸同工務都唔了解。後來做咗環境運輸及工務局局長亦負責監察八個行政部門嘅運作,包括建築署土木工程拓展署渠務署機電工程署環境保護署路政署運輸署水務署,工作範圍非常廣泛。

廖秀冬上任後好快就提出「公共交通可加可減機制」以減輕市民嘅交通開支,一度令佢喺民意調查攞到局長之中嘅第一名。不過,雖然得到各大公共交通營運商嘅支持,但就調低實際票價同埋為乘客提供其他優惠上取得好大進度,主要營運商都以營運開支不斷增加、油價上升或只提供小優惠。廖秀冬亦主動就兩鐵合併地鐵九鐵)一事提出磋商,希望喺呢件事上為公共交通再揾喲減價空間。

經過公共交通工具無當初預期減價,東區海底隧道加價談判失敗,香港的士司機反對下試行減價,加強對小巴衝紅燈嘅違例駕駛啲處罰,同埋一啲嚴重交通事故,特別係2005年「太子道棚架倒塌事件」,都令佢嘅支持度跌咗。2006年廖秀冬又繼續面對香港電燈加價,客貨車非法載客令的士司機收入減低,石油汽站加價等事件先後令到的士、小巴多次慢駛示威行動,對廖秀冬造成唔少嘅壓力。不過,佢嘅支持度仍高居咁多高官當中嘅前列位置。睇:香港大學民意網站 (HKU POP)

此外,廖秀冬自上任以來便倡議討論建築港珠澳大橋嘅可行性,重同中央人民政府、廣東省政府同澳門特區政府等有關部門傾。亦就廣深港高速鐵路香港10號幹線等香港未來主要工程進行規劃。

廖秀冬喺環保項目方面建議「污染者自付」原則,考慮跟台北市等地徵收垃圾費。目前垃圾費雖然仍未喺政府目標中,但已喺2004年先喺港島東區13個屋苑試行家居廢物源頭分類試驗計劃。但係工商業排放嘅垃圾,正係研究制定相關法例,針對建築物廢料喲收費計劃。廖秀冬就淨化海港計劃第二期推出咗新啲自然保育政策,並同公眾進行諮詢。關於空氣質素方面,廖秀冬積極推進珠江三角洲空氣質素管理計劃,希望可以改善香港空氣污染狀況。呢啲計劃目標係2010年以前,有效減少珠三角地區啲空氣污染物排放量。另一方面,廖秀冬亦積極推動香港同中國內地發電廠之間進行排污交易試驗同考慮全面用天然氣代替做發電燃料。日常生活上,廖秀冬曾經提出巴士冷氣過凍浪費電力,同建議提高至攝氏25度嘅水平,重鼓勵市民買報紙時減少攞膠袋同紙巾。

2006年,廖秀冬對九廣鐵路發生嘅幾件事故包括「飛站事件」表示關注同斥責機構高層監管不力。

個人檔案[編輯]

教育[編輯]

廖秀冬小學讀九龍塘學校(小學部),中學讀拔萃女書院,後來喺香港大學先後攞到學士學位(化學及植物學)、碩士學位(無機化學)、博士學位(環境/職業健康)。1975年,英國伯明翰大學頒發碩士學位(分析化學)畀廖秀冬。

中學時期嘅廖秀冬曾加入小交響樂團,並喺當時認識後來嘅老公蕭炯柱。大學時喺1970年加入聖約翰學院,並喺1971-1972年度擔任女子體育隊長,重成為最佳女運動員。

家庭[編輯]

廖秀冬阿哥係廖約克博士,係哈佛大學校友,身任多項公職。

廖秀冬嘅前夫係前規劃地政司蕭炯柱,兩人生咗兩個仔。細仔蕭偉中細個時患過「讀寫困難症」,由於廖秀冬細個都有呢個病,所以對個仔嘅問題特別關心。蕭偉中曾創辦音樂中心。睇:「寫讀病」相傳母子兩心知

廖秀冬係鋼琴高手,前夫蕭炯柱則係小提琴高手。

公職[編輯]

  • 消費者委員會研究及試驗小組主任(1988年~1996年)
  • 職業安全健康局成員(1990年~1992年)
  • 香港房屋委員會建築小組委員會委員(1996年~2000年)
  • 香港中央政策組非全職顧問(1999年~2001年)
  • 環境運輸及工務局局長 (2002年~2007年)
  • 空氣污染管理上訴委員會委員
  • 大學教育資助委員會委員
  • 創新及科技基金轄下評審小組成員

榮譽[編輯]

  • 英國皇家化學院院士(1995年)
  • 香港工程師學會院士(1996年)
  • 香港大學土木工程系榮譽教授
  • 英帝國員佐勳章(1997年)
  • 太平紳士(1994年)
  • 金紫荊星章(2007年)

參考[編輯]

  • 《壹些事壹些情:廖秀冬生命中的兩個男人》,《壹周刊》644期

出面網頁[編輯]