招財貓（粵拼：ziu1 coi4 maau1；日文：招き猫／まねきねこ maneki neko）係源自日本嘅一種裝飾，形態係向住人招手嘅貓。招財貓一般係白或者金等嘅顏色，形態係舉起其中一隻手上頭頂，做出向人招手噉嘅動作，具有「帶嚟財富」噉嘅意涵。
有關「貓可以招財」噉嘅諗法，早喺唐朝已經存在，例如《酉陽雜俎》就有「貓洗面過耳則客至」噉嘅講法，意思係話貓洗面洗到耳仔，就會有客人嚟。而喺廿一世紀初，招財貓喺西方國家嘅亞裔餐館或者聚集地當中好常見。
